میلادی ۲۰۲۶-ییل جهان کپی حذفی باسقیچی اویینلری دوام ایتماقده ایکن، اوتگن کیچه اوچ بیللشوو اوتکزیلدی.
جهان کپی حذفی باسقیچینینگ اوتگن کیچهدهگی بیرینچی بیللشوویده ساحل عاج ۲-۱ حسابیده ناروی گه بای بیردی. فرانسه فوتبال ملی تیرمه جماعهسی اوز یولدوزی کیلیان امباپهنینگ پارلشی بیلن ۳-۰ حسابیده سویدن گه غلبه قازاندی و مکزیکو ایسه ۲-۰ حسابیده اکوادور برابریده غالب بولدی.
بو نتیجهلر بیلن ناروی، فرانسه و مکزیکو، ۲۰۲۶-ییل جهان کپی ۱/۸ باسقیچی گه یول تاپدی.
اوشبو تورنمنتنینگ حذفی باسقیچی اویینلری دوامیده بو کیچه (۱۰سرط/۱ جولای، چهارشنبه) انگلستان فوتبال ملی تیرمه جماعهسی و کنگو کابل وقتی بیلن ساعت ۸:۳۰ ده و بلژیک ایسه سنگال بیلن ساعت ۱۲:۳۰ ده قرشیلشهدی.
اوتگن کونی هم کانادا، برازیل، پاراگوای و مراکش فوتبال ملی تیرمه جماعهلری ۱/۸ باسقیچی گه یول تاپگن ایدیلر.
