مملکت نینگ تورلی ولایت‌لریدن کیلگن یاش‌لردن قطاری، بوگون کابل‌ده «اوز ارا مناسبت‌لرنی کوچه‌یتیریش ملی کنفرانسی» عنوانیده ییغین اوتکزدیلر. اوشبو ییغینده اشتراک ایتگن‌لر نینگ ایتیشلریچه، افغانستان نیچه قوم‌لیک بولگنی باعث اوز ارا مناسبت‌لر لحاظ‌دن زیان کوریب و اوز ارا مناسبت‌لرنی کوچه‌یتیریش اوچون برچه تامانلمه اقدام بولیشی کیره‌ک.
مذکور ییغینده اشتراک ایتگن‌لر، یاش‌لرنی جامعه‌ده فرهنگ سازلیک و اوز ارا مناسبت‌لرنی کوچه‌یتریش اوچون مکلف بیله‌دیلر. اوز ارا مناسبت‌لرنی کوچه‌یتیریش ملی کنفرانسی‌ده اشتراک ایتگن حضرت نیک‌پا نینگ ایتیشیچه: «بیر مملکتده مهم بولگن نرسه ایرکین‌لیک و تینچلیک دیر که اقتصادی ترقیات گه سبب بوله‌دی. بو ایش ممکن ایمس مگر اوز ارا مناسبت بولمه‌گونچه.»
بیزلرنینگ فیسبوک صحیفه‌میزگه باش اورینگ!
اوشبو کنفرانس‌ده اشتراک ایتگن‌لردن باشقه بیری طارق بلال‌زی گه کوره: «اوز ارا مناسبت‌لرنی رواجلنتیریش اوچون بیز بو کنفرانس گه حصه قوشدیک و تجربه‌لریمیزنی شیریک قیلیش بیلن، اوز ارا مناسبت‌لرنی کوچه‌یتیریش کیره‌ک.»
عین‌حالده، کابل بیلیم یورت استادی و مذکور ییغینده اشتراک ایتگن‌لردن بیری خلیل‌الرحمن سروری، مملکت نینگ فرهنگی ترقیاتی اوچون اوز ارا مناسبت‌لرنی مهم دیب تأکیدلشیچه، بو فرهنگ اسلامی امارت تامانیدن نهادینه بولیشی کیره‌ک.
جناب سروری گه کوره، اولکه نینگ سیاسی قدرتی مسئول اداره‌سی اوله‌راق یشاوچیلر یانیده تلاش قیلگن تقدیرده، بیر مملکت نینگ فقرالری اوز ارا مناسبت‌لر فرهنگینی نهادینه قیلیش‌لری ممکن.
بیزلرنینگ توییترده هم تعقیب قیلینگ!
باشقه تاماندن بیلیم یورت استادلریدن باشقه بیری خوانی همت، اوز ارا مناسبت‌لر فرهنگینی نهادینه قیلیش خصوصیده ییتکیرمه‌لر رولینی مهم دیب ایتیشیچه، میدیالر مردم‌نی بوتوغریده ترغیب قیلیش‌لری کیره‌ک.
بو سوزلر عین‌حالده آچیقلنماقده که بوندن آلدین ایش بیلرمان‌لردن قطاری، افغان‌لر قیینچیلیکلرینی اجتماعی و قومی قرشی‌لیکلر گه باغلیق دیب ایتیشلریچه، افغانستانده‌گی قیینچیلیکلرنی حل قیلیش یگانه یول، اوز ارا مناسبت‌لرنی کوچه‌یتیریش دیر.
