بوندن ایکی هفته آلدین، دنیا نینگ ایشانچ‌لی میدیالری، بریتانیا اولکه‌سیده کرونا ویروسی نینگ ینگی توری تاپیلگنیدن خبر بیرگنلر.
فرانس ۲۴ کونده‌لیگی نینگ یازیشیچه، کرونا ویروسی نینگ ینگی توری اصلی کرونا ویروسی‌گه قره‌گنده تیز ترقهلیب و انسان‌لرنی تیزراق ویروس‌گه چلینیشی‌گه سبب بوله‌دی، لیکن کرونا ویروسی نینگ ینگی توری انسان‌لرنی اولدیرگنی خصوصیده خبرلر ترقه‌تیلمه‌گن.
دنیا ساغلیک تشکیلاتی، بریتانیا اولکه‌سیده کرونا ویروسی نینگ ینگی توری تثبت ایتگنی دن کیین، بریتانیا اولکه‌سی نینگ مسؤل‌لری بیلن ینگی ویروس نی تیکشیریب و نتیجه‌سینی خلق بیلن شریک قیلیشدن خبر بیرگن.
بریتانیا اولکه‌سیده کرونا ویروسی نینگ ینگی توری تاپیلیشی بیلن، افغانستان ساغلیق نی سقلش وزیرلیگی کرونا ویروسی قرشی سیده کوره‌شیش ده تیارلیگی نی بیلدیرگن.
ساغلیق نی سقلش وزیرلیگی سوزلاوچیسی معصومه جعفری نینگ ایتیشیچه، کرونا ویروسی حقیده معلومات بیریش برنامه‌سی نینگ دوامی بولگن و افغانستان گه کیله دیگن کیشی‌لرده کرونا ویروسی بولیب بولمه‌گنی نی بیلیش اوچون تیکشیریلیشی ضرور دیر.
کرونا ویروسی نینگ ینگی توری افغانستان قوشنی اولکه‌لریده ثبت بولگن بیر حالده، ساغلیق نی سقلش وزیرلیگی کرونا ویروسی برابریده کوره‌شیش ده تیارلیگی نی بیلدیرگن.
اوتگن کونی، پاکستان اولکه‌سی نینگ مسؤل‌لری کرونا ویروسی نینگ ینگی توری پاکستان نینگ جنوبی ده بولگن سند منطقه‌سیده ثبت بولگنیدن خبر بیرگن.
پاکستان اولکه‌سی نینگ رسمی منبع‌سی تامانیدن ترقه‌تیلگن گزارش گه کوره، انگلستان اولکه‌سیدن پاکستان گه کیلگن ۱۲ پاکستان‌لیک تیکشیریلگن، نتیجه ده ۶ کیشی ده کرونا ویروسی بولگنی تثبیت ایتیلگن، تثبیت ایتیلگن ۶ کیشی نینگ ۳ ته سی کرونا ویروسی نینگ ینگی توریگه یولیققن.
انه شوحالده مملکت ساغلیق نی سقلش وزیرلیگی، کرونا ویروسی ینگی توری نینگ اونگی نی آلیشده تلاش قیلماقده.
ساغلیق نی سقلش وزیرلیگی نینگ سوزلاوچیسی، افغانستان خلقی دن تشقی اولکه‌لر گه سفر قیلمس‌لیک‌لرینی سوره‌یدی.
خانم جعفری گه کوره، حاضرگچه کرونا ویروسی نینگ ینگی توری افغانستان ده ثبت ایتیلمه‌گن.
ساغلیق نی سقلش وزیرلیگی تامانیدن ترقه‌تیلگن گزارش گه کوره، اوتگن ۲۴ ساعت جریانیده ۹۸ کیشی کرونا ویروسی گه یولیقیب و ۶ کیشی ایسه کرونا ویروسی باعث جان بیرگن.
