هندوستان تشقی ایشلر وزیرلیگی، بو مملکت‌نینگ هیئتی کابل‌ده اسلام امیرلیگی رسمی‌لری بیلن اوچره‌شوولریده، افغانستان گه انسان پرورلیک یاردم کورسه‌تیش گه قۉشیمچه، افغانستان‌نینگ چابهار بندری‌دن قنده‌ی فایده‌لنیشی حقیده بحث اېتگنینی معلوم قیلگن.
هندوستان تشقی ایشلر وزیرلیگی سۉزلاوچیسی رندهیر جیسوال، مطبوعاتی ییغیلیش‌ده ایتیشیچه، هندوستان‌نینگ افغانستان اوچون مخصوص وکیلی جی‌پی سینگ باشچیلیگیده بو مملکت هیئتی، اۉتگن هفته اسلام امیرلیگی رسمی‌لری بیلن اوچره‌شووی‌ده افغانستان و هندوستان اۉرته‌سیده اقتصادی مناسبت‌لر مستحکم‌لنیشی اوچون افغانستان‌نینگ چابهار بندری‌دن قۉللـه‌نیشی حقیده بحث اېتگن. اونینگ کوپه‌یتیریشیچه: «جی‌پی سینگ مدافعه وزیرلیگی سرپرستی، افغانستان سابق جمهور باشلیغی حامد کرزی و بو مملکت‌نینگ باشقه رسمی‌لری بیلن اوچره‌شیب و افغانستان سوداگرلری چابهار بندری‌دن آلیش-بیریش اوچون قنده‌ی قۉللـه‌نیش مسئله‌سی حقیده بحث اېتگن.»
بیزلرنینگ فیسبوک صحیفه‌میزگه باش اورینگ!
اسلام امیرلیگی، حاضرگی کونده افغانستان چابهار بندری‌دن فایده‌لنماقده دیب ایتیشیچه، افغانستان‌نینگ سودا سکتوری ترقیاتی اوچون، بوتوغریده‌گی بوتون قولی‌لیکلر و یونه‌لیش‌لردن فایده‌لنیش‌لری ممکن.
صناعت و سودا وزیرلیگی سۉزلاوچیسی آخوندزاده عبدالسلام جواد گه کوره: «حاضر چابهار بندری آرقه‌لی بیز هندوستان و باشقه بیرقطار مملکتلر اینیقسه عرب‌لر بیلن سودا آلیش-بیریش قیلماقده‌میز؛ تورلی یونه‌لیش‌لردن سودا آلیش-بیریش قیلیب و هېچ بیر قیینچیلیک قالمسلیگینی اېسته‌یمیز.»
بیزلرنینگ «ایکس» ترماغی ده هم تعقیب قیلینگ!
افغانستان‌نینگ سودا آلیش-بیریش خصوصیده قیینچیلیک‌لر حاضرگه قدر یېچیلمه‌گن بیرحالده، بو مملکت‌نینگ چابهار بندری‌دن قۉللـه‌نیشی محاکمه قیلینماقده.
افغانستان سودا و سرمایه یاتقیزیش اتاق‌نینگ مدیره هیئت اعضاسی خان‌جان الکوزی، چابهار بندری‌ده بانکی قیینچیلیک، آست قورمه و ترانسپورت یونه‌لیشی حل بولگن تقدیرده، بو یول افغانستان سوداسی اوچون یخشی یول بولیشی ممکن دیېدی.
اونینگ کوپه‌یتیریشیچه: «افغانستان‌نینگ بو بندردن فایده‌لنیشی اوچون بعضی قیینچیلیک‌لر بار؛ بو بندر‌نینگ خلق‌ارا بیر کُدی یوق و تعزیراتی یوق شونی اوچون بو یونه‌لیشدن پول یوباریش قیین دیر؛ ایکّینچیدن بندر ظرفیتی یخشی اېمس و بو ییرده بیر تېزیم قوریلیشی درکار.»
افغانستان انچه ییلدن بیری چابهار بندری‌دن سودا آلیش-بیریشنی کوچه‌یتیریش اوچون سعی-حرکت قیلماقده اېکن؛ بیراق بو سعی-حرکتلر حاضرگه قدر سېزیلرلی درجه‌ده نتیجه بیرمه‌گن.