قاچقینلر وزیرلیگی ایران دولتیدن، افغانستان‌لیک قاچقینلر گه قرشی زوره‌وانلیک‌لر گه چېک قوییب و شفقت دن ایش آلیشینی سۉره‌گن.
اوشبو وزیرلیک بوگون (۱۹-اسد، جمعه) ایکس صحیفه‌سیده بیر بیانیه ترقه‌تیب، ایران ده افغانستان‌لیک قاچقینلر بیلن یانده‌شوولر گه دایر ترقه‌لگن گزارش‌لرنی خواطرلی دیب اېتگن.
بیزلرنینگ فیسبوک صحیفه‌میزگه باش اورینگ!
بو وزیرلیک نینگ بیانیه‌سیده کېلیشیچه: «قاچقینلر وزیرلیگی ایران نینگ ۴۰ ییل‌لیک میزبان‌لیگیدن قدردانلیک بیلدیریب و بو مملکتدن اۉتمیش کبی افغانستان‌لیک قاچقینلر برابریده صبر و حوصله دن ایش آلیب و اولر گه قرشی زوره‌وانلیک‌لر گه چېک قوییشینی اېسته‌یدی.»
قاچقینلر وزیرلیگی نینگ کوپه‌یتیریشیچه، افغانستان‌لیک قاچقینلر نینگ جبردن چیقریش اسلامی، خلق‌ارا همده قۉشنی‌چیلیک قاعده‌لر گه قرشی دیر و بوتوغریده ایکّی مملکت نینگ اویغون‌لیگی بیلن قرار قبول قیلینیشی کېره‌ک.
بیزلرنینگ «ایکس» ترماغی ده هم تعقیب قیلینگ!
قاچقینلر وزیرلیگی، ایکّی مملکت نینگ مناسبتی گه فتور یېتکیزه دیگن نرسه‌لر و منفی ریکلام گه یول قوییلمسلیگی اوستیگه تأکید اېتگن.
سۉنگی کونلرده اجتماعی ترماق‌لرده ایران پولیسی تامانیدن افغانستان‌لیک بیر قاچقین نینگ قییناق‌لنیش ویدیوسی نشر بولیب و کېنگ کولمده مناسبت‌لر گه سبب بولگن.
