سرپرست حکومت عالی اوقوو وزیرلیگی مسئوللری، باشقه مملکتلر گه دولت و شخصی تحصیلی بورسیهلرنینگ توزیع قیلیش جریانینی توختهتگنیدن خبر بیرگنلر؛ داوطلبلر، بورسیه بیریلمسلیگی اولرنی قیینچیلیک بیلن روپهره قیلگنینی اېتهدیلر.
چیت ایلده تحصیلی گه دوام بیریش قصدی بولگن ۳۰ یاشنینگ ایتیشلریچه، تحصیلی خذمت کورسهتووچی شرکتلر و عالی اوقوو وزیرلیگی گه مراجعت قیلگندن سۉنگ بو چېکلاو دن خبر بولگنلر.
چیتایلده تحصیلی بورسیه اوچون داوطلب بولگن رحیمشاه گه کوره: «نیچه مراتبه پاکستان و تورکیهنینگ بورسیهلری گه اقدام قیلدیم؛ بیراق مثبت جواب قیترمهدیلر؛ قریب بیر آی بولهدی اورتاقلرنینگ اجتماعی ترماقلری آرقهلی بورسیه بیریلمسلیگیدن خبر بولدیم.»
چیتایلده تحصیلی بورسیه اوچون داوطلبلردن باشقه بیری صبورنینگ ایتیشیچه: «تحصیلی شرکتلر گه مراجعت قیلدیم، ایتدیلر ایکّینچی و اوچینچی مملکت گه باریب بورسیه تاپینگلر؛ بورسیه توزیع قیلیش گه امکانیت یرهتیشلرینی اېستهیمیز.»
مملکتدن تشقری تحصیلی گه دوام بیریش قصدی بولگن یاشلر، افغانستان تعلیمی اینیقسه ماسترلیک و دکترا درجهسی احوالی گه قرهگنده، بو چېکلاو یاشلرنینگ بیلیملرینی آشیریش بوییچه کتّه قیینچیلیکّه آلیب باریشی ممکن دیه تأکید اېتهدیلر.
بیزلرنینگ فیسبوک صحیفهمیزگه باش اورینگ!
انستیتوتلردن بیریده اوقیش گه مصروف برکتاللهنینگ ایتیشیچه: «بو کبی چېکلاو یرهتیلگنیدن افسوس قیلهمیز درس و تحصیل گه دوام بیره آلمهیمیز؛ شونی اوچون طبیات بولیمیده کوپینچه مملکتلر حتا پاکستان و ایراندن آرتگه قالگنمیز.»
جهان بیلیم یورتی اقتصاد فاکولتهسیدن فارغ بولگن و ماسترلیک بولیمیده تحصیلی گه دوام بیریش نیتی بولگن صفیالله گه کوره: «مملکتده اساسی شکلده درس بیریلمهیدی؛ افغانستاندهگی یاشلرنینگ کېلهجگینی قرانغو کورهمن؛ یاشلر گه تحصیل امکانیتی یرهتیلسه یخشی دیر.»
باشقه تاماندن، مملکتدن تشقری تحصیلی گه دوام بیریشنی اېستهگن قیزلردن بیرقطاری، حکومتنینگ بو قراری قیزلر یوزیگه بوتون اوقیش یوللرینی توسگنینی اېتهدیلر.
بیزلرنینگ «ایکس» ترماغی ده هم تعقیب قیلینگ!
مریم احمدی گه کوره: «مکتب نی توگته آلمسلیک بیر قیینچیلیک، بیلیم یورت گه باره آلمسلیک باشقه قیینچیلیک، بولر گه قۉشیمچه ایشلهی آلمهیمیز؛ بیراق اېنگ کتّه قیینچیلیک بورسیه بیریلمسلیگی دیر.»
مروه صافی، مملکتلردن بیریده باریب طب بولیمینی اوقیش گه علاقهمند اېدی؛ بیراق بو چېکلاو اونی قیینچیلیک بیلن روپهره قیلگنینی اېتهدی. اونینگ کوپهیتیریشیچه: «یاشلرنینگ قیینجیلیکلری جوده هم کوپ دیر؛ مستقل اېمس و اوقیشلریگه یېته آلمهیدیلر؛ عمر و کوچلری همان یوق بولماقده.»
باشقه تاماندن، تحصیلی خذمت کورسهتووچی شرکتلر، افغانستان ایچیده تحصیلی ویزه آلیش امکانیتی یوق و داوطلبلر ایران و پاکستان کبی قۉشنی اولکهلر گه باریشی کېرهک دیېدی.
اوشبو گزارشده، تحصیلی خذمت کورسهتووچی تورت شرکت بیلن صحبت اۉتکزیلگن. بو شرکتلر مملکتده سیاسی سۉنگی اۉزگریشلردن کېین داوطلبلر اوچون تحصیلی ویزه بیریلیشی قیین و بیر آز مدتدن سۉنگ هم بوتونلی حالده عالی اوقوو وزیرلیگی تامانیدن تقیقلنگنینی معلوم قیلهدیلر.
اولر گه کوره، عالی اوقوو وزیرلیگینینگ قراریدن سۉنگ، تحصیلی بورسیه گه علاقهمند یاشلر، ویزه آلیش اوچون قۉشنی مملکتلردن بیری گه باریش گه مجبور دیر.
تحصیلی خذمت کورسهتووچی شرکتلردن بیرینینگ مسئولی گزارشده آتی ذکر بولمسلیک شرطی بیلن ایتیشیچه: «ایکّینچی و اوچینچی مملکتلرده ویزه بیریلهدی مثال اوچون افغانستانلیکلر ایران و پاکستاندن تحصیلی ویزه آلهدیلر؛ البته دولت ریجهلری اونچهلیک نتیجه بیرمهیدی؛ بیراق کوپینچه کیشیلر شخصی ریجهلرینی آلغه آلیب بارماقدهلر.»
شونینگدیک، تحصیلی خذمت کورسهتووچی «گلوبل» شرکت مسئولی، افغانستانده ایلچیخانهلر یوقلیگینی داوطلبلرنینگ اساسی قیینچیلیکلریدن بیلهدی. اونگه کوره، بو مسئله عالی اوقوو وزیرلیگینینگ چېکلاویدن آلدین داوطلبلرنی باشقه مملکتلر گه باریش گه مجبور قیلگن اېدی. «افغانستانده ایلچیخانهلر یوق؛ ایران، پاکستان و چیننینگ قیینچیلیگی یوق شخصی بولسه؛ لېکن دولتینی پروسس قیلمهیمیز.»
مملکتلرده تحصیلی بورسیهلر توزیع جریانی تقیقلنیش زمانینی اورگهنیش اوچون سعی-حرکت قیلدیک؛ بیراق عالی اوقوو وزیرلیگی و تحصیلی خذمت کورسهتووچی شرکتلر بو سوراق گه دایر ایضاح کېریتمهدیلر.
سلاموطندارنینگ تورلی یېتکرمهلر گزارشینی تېکشیرو معلوماتی اساسیده، باشقه مملکتلرنینگ افغانستان گه تحصیلی بورسیه توزیع جریانی گه چېکلاو یرهتیلگن و نیچه کون آلدین بوتونلی تقیقلنگن.
کابل بیلیم یورتیده ایشانچلی بیر منبعنینگ سلاموطندار گه ایتیشیچه، ماستر و دکترا بولیملریده دولت بیلیم یورتیلری استادلری اوچون تحصیلی بورسیهلر منع اېتیلگن. اوشبو منبع گه کوره: «عالی اوقوو وزیرلیگی استادلر اوچون تحصیلی بورسیه و تشقریده باریشنی منع قیلگن و سببینی اقتصادی قیینچلیک دیگن. طلبهلر حقیده معلوماتیم یوق؛ بیراق بند بولگنی حقیده میش-میشلر بار.»
شو بیلن بیرگه، سرپرست حکومت عالی اوقوو وزیرلیگینینگ نشرات آمری عبدالحنان عزیزی، بو وزیرلیک ینگی ریجه اوستیگه ایش آلیب بارماقده و نهایی بولگنیدن سۉنگ، مملکتدن تشقری تحصیلی بورسیهلر قیته باشلنیشی ممکن دیېدی. اونینگ کوپهیتیریشیچه، حاضرگی کونده دنیا مقیاسیده ۵۶ مملکتده قریب ۴۴۱ طلبه و بیر مینگ ۸۹۶ اوقیتووچی و خادم تحصیل بیلن مصروف دیر. «اسلام امیرلیگی قیسی مملکتلر گه قندهی طلبه یوباریش ریجه اوستیگه ایشلهماقده؛ بو ریجه نهایی بولگنیدن کېین یاشلر گه قیتهدن بورسیه بیریلیش امکانیتی یرهتیلهدی.»
افغانستانده سۉنگی سیاسی اۉزگریشدن کېین قیزلرنینگ اوقیشی گه تورلی چېکلاولر یرهتیلگن بیرحالده، داوطلبلر گه تحصیلی بورسیهلر توزیع جریانی منع اېتیلگن و ینگیلیکده، ساغلیقنی سقلش وزیرلیگی طبیات انستیتوتلرینی کېینگی امرگچه قیزلر یوزی گه باغلهگن.
