تاجیکستان جمهور رئیسی امام‌علی رحمان و پاکستان باش وزیری شهباز شریف قوشمه بیر بیانیه‌ده تینچ و برقرار افغانستان نی، منطقه ترقیاتی نینگ اساسی دیب و اوشبو مملکت‌ده همه‌شمول دولت ایجاد ایتیلیشی گه تاکید قیلگنلر.
اسلام‌آباد گه سفر قیلگن تاجیکستان جمهور رئیسی خبری بیر ییغین‌ده ایتیشیچه، پاکستان و تاجیکستان باشقه‌لردن کوپراق افغانستان ده تینچ‌‌لیک و برقرار‌لیک نینگ قیته کیلیشی نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
اونگه کوره، شهباز شریف بیلن اوچره‌شگنیده، قومی و سیاسی کوچلر نینگ کینگ مشارکتی نی نظر گه آلیش بیلن افغانستان ده همه‌شمول دولت ایجاد بولیشی خصوصیده تاکید بولگن.
شونینگدیک تاجیکستان و پاکستان رهبرلری، «کاسا ۱۰۰۰» انرژی پروژه‌سی نینگ تیزلیککه انجام بیریلیشی خصوصیده تاکید قیلگنلر. اولر نینگ ایشانچ‌لری گه کوره، مذکور پروژه نینگ اجرا بولیشی منطقه ترقیاتی و انرژی کریدور‌لر گه کوپراق قول تاپیش اوچون ینگی فرصت‌لر نی یره‌تیشی ممکن.
