روسیه «ریانووستی» آژانسی نینگ گزارشی اساسیده، اسلام امیرلیگی اوشبو مملکت جمهور باشلیغی ولادیمیر پوتین نینگ دستیاری یوری اوشاکوف گه مکتوب یوللب، بریکس اعضالری نینگ کېله‌سی ییغیلیشی ده چقیریلیش‌لرینی سۉره‌گن.
مذکور آژانس نینگ کوپه‌یتیریشیچه، اسلام امیرلیگی صناعت و سودا وزیرلیگی سرپرستی نورالدین عزیزی، روسیه جمهور باشلیغی ولادیمیر پوتین نینگ دستیاری گه مکتوب یوللـه‌گن.
اوشبو مکتوب نینگ بیر بولیمیده کېلیشیچه: «بیز؛ اسلام امیرلیگی باش وزیری نینگ اقتصادی اورین باسری عبدالغنی برادر ییتکچیلیگیده بیر هئیت، بریکس ییغیلیشی ده قتنه‌شیشنی اېسته‌یمیز.»
بیزلرنینگ فیسبوک صحیفه‌میزگه باش اورینگ!
برازیل، روسیه، هندوستان، چین و جنوبی افریقا اعضاسی بولگن بریکس، دنیا ده اقتصادلری رواجلنه‌یاتگن مملکت‌لردن عبارت خلق‌ارا بیر تشکیلات دیر و بو تشکیلات اوشبو میلادی ییل باشلنیشی ده مصر، سعودی عربستان، ایران، بیرلشگن عرب امیرلیگی و ایتوپی اعضا بولیشی گه مثبت آواز بیردی.
بوندن آلدینراق روسیه، بریکس کېله‌سی ییغیلیشی ده سیاست، امنیت، اقتصاد و فرهنگ ساحه‌لریده همکارلیک‌لرینی مستحکم‌لش مسئله بحث گه آلینیشینی اېتگن اېدی.
اقتصادی مسئله‌لر بیلرمان‌لریدن بیرقطاری نینگ ایتیشلریچه، بریکس کېله‌سی ییغیلیشی ده اسلام امیرلیگی وکیلی نینگ حضوری افغانستان نینگ سیاسی و اقتصادی احوالی یخشی‌لنیشی گه یاردم بیره‌دی.
بیزلرنینگ «ایکس» ترماغی ده هم تعقیب قیلینگ!
اقتصادی ایش بیلرمان تاج‌محمد تلاش گه کوره، بریکس کېله‌سی ییغیلیشی ده اسلام امیرلیگی وکیلی نینگ حضوری افغانستان بیلن همکارلیک قیلیش گه زمینه یره‌ته‌دی. اونینگ کوپه‌یتیریشیچه: «اقتصاد نقطه-نظریدن منطقه ده‌گی لایحه‌لر عملگه آشیریلیشی کتّه اهمیت گه اېگه دیر، کمبغل‌لیک و ایش‌سیزلیکّه قرشی کوره‌ش اوچون منطقه ده‌گی لایحه‌لر عملگه آشیریلیشی و شوکبی منطقه نینگ ییر و هوا مالی مسئله‌لری اوچون اهمیتلی دیر. ایکّینچیدن تروریزم بولیمیده اساسی رولی بار و قۉشمه طرزده کوره‌شیش اوچون مملکتلر اۉرته‌سیده حربی آلیش-بیریش امکانینی یره ته‌دی.»
اقتصادی مسئله‌لر ایش بیلرمان‌لریدن باشقه بیری محمدرفیق صادق‌یار گه کوره: «افغانستان آسیا قلبی ده جایلشگن و منطقه ده‌گی بوتون مملکتلر اقتصاد و حربی ثبات گه نیازی بار. افغانستان وکیلی نینگ بو ییغیلیش ده حضوری بولیش گه امید بیلدیره‌من.»
بریکس کېله‌سی ییغیلیشی ۲۲ دن ۲۴ اکتوبر گه قدر روسیه نینگ کازان شهریده یولگه قوییلیب و بریکس رهبرلری ینگی اعضا قبول قیلیش مسئله‌سینی بحث گه آلیش‌لری کوتیله‌دی.
