افغانستان اسلامی امارت بیرلشگن ملت‌لر تشکیلاتی نینگ سابق دولت ۱۰۰ حربی‌سی هلاک بولگنی حقیده‌گی گزارشینی رد قیلگن.
اسلامی امارت سوزلاوچیسی و معلومات و مدنیت وزیرلیگی نینگ معینی ذبیح‌الله مجاهد، بوگون توییتری‌ده یازیشیچه، اسلامی امارت رهبرلیگی تامانیدن عمومی کیچیریم اعلانی‌دن کیین، هیچ کیم باشقه‌گه زیان ییتکیزیش که حقی یوق. اونگه کوره، شخصی انتقام اوچون قیسی «واقعه» یوز بیرگن بولسه، اسلامی امارت تیکشیریب و متهم‌لرنی حبس‌گه آلگن.
مجاهد نینگ یازیشیچه: «بیرلشگن ملت‌لر تشکیلاتی نینگ معلوماتی که سابق دولت گه اعضا ۱۰۰ حربی اسلامی امارت حاکمیتی‌دن کیین هلاک ایتیلگن، ناتوغری دیر. عمومی کیچیریم دن سونگ هیچ کیم نینگ باشقه‌گه زیان ییتکیزیش گه حقی یوق، شخصی انتقام اوچون قیسی واقعه یوز بیرگن بولسه، بیز اونی تیکشیریب و متهم‌لرنی جزالنتیرگن میز.»
بیزلرنینگ فیسبوک صحیفه‌میزگه باش اورینگ!
عین‌حالده بیرلشگن ملت‌لر تشکیلاتی نینگ باش کاتبی آنتونیو گوترش اوشبو تشکیلات نینگ خوفسیزلیک کینگشی‌گه ارائه ایتگن گزارشی‌ده ایتیشیچه، «موثق ادعالر» موجود که افغانستان سابق دولتی گه اعضا و سابق حربی کوچلر و خلق‌ارا کوچلر بیلن همکار بولگن ۱۰۰ دن آرتیق کیشی اسلامی امارت حاکمیتی‌دن کیین هلاک ایتیلگن.
اوشبو گزارش‌گه کیلیشیچه، قربانی‌لردن ایکی-اوچ قسمی‌دن آرتیغی اسلامی امارت یا ده اسلامی امارت گه باغلیق کیشی‌لر تامانیدن ناقانونی روشده اولدیریلگن. گوترش اوز گزارشی‌ده ایتیشیچه، بیرلشگن ملت‌لر تشکیلاتی نینگ افغانستان ده‌گی ماموریتی شونینگدیک «داعش گروهی خراسان شاخه‌سی گه باغلیق چمه‌سی ۵۰ مظنون ناقانونی روشده هلاک ایتیلیش ادعالرنی قولگه کیریتگن.»
بیرلشگن ملت‌لر تشکیلاتی نینگ اورغولشیچه، بشر حقوقی مدافعه‌چیلری و ییتکیرمه‌لر خادم‌لری شونینگدیک«هجوم، قورقیتیش، تعقیب قیلیش، اوز باشیمچه‌لیک بیلن حبس‌گه آلیش، شفقت سیزلیک و قتل بوله‌دیلر.» اونگه کوره، ۸ مدنی جماعه‌چلیک فعالی جمله‌دن اوچ کیشی اسلامی امارت حربی کوچلری و باشقه اوچ کیشی اسلامی دولت گروهی یا داعش جنگریلری تامانیدن اولدیریلگن و ۱۰ کیشی اسلامی امارت کوچلری تامانیدن وقتینچه‌لیک قولگه آلینیب کلتکلنگن و تهدید بولگن‌لر.
بیزلرنینگ توییترده هم تعقیب قیلینگ!
گوترش نینگ کوپیتیریشیچه، اولدیریلگن ایکی مخبردن بیری نینگ مسئولیتینی داعش گروهی تن آلگن.
گوترش نینگ اورغولشیچه، باشقه ایکی ژورنالیست قورالی ناتانیش کیشی‌لر تامانیدن یره‌لنگن. اونینگ ایتیشیچه، مذکور تشکیلات؛ ۴۴ وقتینچه‌لیک حبس‌گه آلیش، کلتکلش و تهدید موردلرینی رویخط گه آلگن اولردن ۴۲ موردی اسلامی امارت تامانیدن صورت تاپگن.
