اسلام امیرلیگی نینگ استخبارات عمومی ریاستی بیر تویت آرقه‌لی، کابل شهری‌ده داعش گروهی نینگ اوچ عضوی هلاک بولگنی‌دن خبر بیرگن.
استخبارات عمومی ریاستی نینگ یازیشیچه، اوشبو ریاست نینگ مخصوص کوچلری دوشنبه کونی شام چاغی، کابل شهری نینگ سکیزینچی حوزه اطرافیده جایلشگن کارته‌نو منطقه‌سیده داعش گروهی نینگ اونملی قرارگاهی اوستیگه بیر عملیات یولگه قوییگنلر.
بیزلرنینگ توییترده هم تعقیب قیلینگ!
مذکور ریاست گه کوره، اوشبو عملیات نتیجه‌سیده، داعش گروهی نینگ اوچ عضوی هلاک بولگن و باشقه بیر عضوی ایسه قولگه آلینگن. اوشبو عملیات نتیجه‌سیده، بیر مقدار فنی و حربی تجهیزات و شونینگدیک برقی وسیله و تجهیزات کشف و ضبط بولگن.
ایتیش کیره‌ک که، اسلام امیرلیگی سوزلاوچیسی ذبیح‌الله مجاهد، دوشنبه کیچه ۲۴ دلو، اوز تویتری ده، اسلام امیرلیگی کوچلری اوتگن کیچه کابل شهری سکیزینچی خوفسیزلیک حوزه حدودلری کارته‌نو منطقه‌سیده، داعش گروهی نینگ بیر مهم قرارگاهی اوستیگه عملیات اوتکزگنینی اعلام قیلگن.
ذبیح‌الله مجاهد نینگ ایتیشیچه، مذکور گروه کابل ده اویوشتیریلگن سونگی هجوم‌لرده قولی بولگن داعش نینگ اینگ اونملی گروهی ایدی که اولر نینگ آره‌سیده خارجی یشاوچیلری هم شامل دیر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اسلام امیرلیگی رسمی‌لری نیچه مراتبه مملکت ده داعش گروهی نینگ فزیکی حضورینی رد قیلیب، اسلام امیرلیگی حکومتی گه قرشی هیچ بیر قوراللی گروه نینگ حضوری وفعالیتی یوق‌لیگینی ایتگنلر.
داعش گروهی حاضرگچه اسلام امیرلیگی نینگ مخصوص کوچلری آرقه‌لی اویوشتیریلگن عملیات و اوشبو گروه اعضالری نینگ اولگنی حقیده هیچ بیر نرسه دیمه‌گن.