اوتگن “یکشنبه” کونی کابل شهری نینگ عیدگاه مسجدی دروازه‌سی یقینیده یوز بیرگن پارتلش مسوولیتی‌نی داعش گروهی بوینیگه آلگن. داعش گروهی‌گه تیگیشلی اعماق کونده‌لیگی تامانیدن نشر ایتیلگن گزارش گه کوره، مذکور خودکش هجوم ده «طالبان ملیشه» لریدن اونلرچه‌سی هلاک و یره‌لنگن.
بیزلرنینگ فیسبوک صحیفه‌میزگه باش اورینگ!
گزارشده ایتیلیشیچه، «مصباح‌الکنری» ناملی بیر گروه عیدگاه مسجدی ده طالبان ییغینی اوستیگه خودکش هجوم اویوشتیرگن. اسلامی امارت مسوول‌لری کابلده داعش گروهی گه تیگیشلی بیر مرکزنی نابود قیلینگنیدن خبر بیرگنیدن سونگ، داعش گروهی بو هجوم مسوولیتی‌نی بوینیگه آلگن.
افغانستانده بیرلشگن ملت‌لر تشکیلاتی نینگ اورین باسرلیک هیات دفتری یا-ده یوناما، اوتگن کونی بیر توییت آرقه‌لی کابل شهریده یوز بیرگن پارتلش‌نی قاره‌لگن. ایتیلیشیچه، اوشبو پارتلش عیدگاه مسجدی ده اسلامی امارت سوزلاوچیسی ذبیح‌الله مجاهد آنه‌سی نینگ فاتحه مراسمی بولگن پیتده یوز بیرگن.
شونینگدیک، “یکشنبه” کونی عیدگاه مسجدی ده یوز بیرگن پارتلش ترکیه حکومتی تامانیدن هم قاره‌لنگن.
بیزلرنینگ فیسبوک صحیفه‌میزگه باش اورینگ!
بو واقعه تلفاتی خصوصیده تورلی گزارش‌لر ترقه‌تیلگن. اسلامی امارت ایچکی ایشلر وزیرلیگی سوزلاوچیسی سعید خوستی مذکور حادثه‌ده ایکی تینچ اهالی هلاک و باشقه ۴ تینچ اهالی یره‌لنگنی‌نی تصدیق‌لگن، لیکن رسانه‌لردن قطاری نینگ اسلامی امارت منبع‌لریدن نقل قیلیب ایتیش‌لریچه، یکشنبه کونی یوز بیرگن پارتلش‌ده ۷ کیشی هلاک و باشقه ۲۰ کیشی یره‌لنگن.
