اوتگن کون کابینه ییغینیده جمهوررئیس محمداشرف غنی، چیت‌ایللیک کوچلرنینگ چیققنیدن کیین افغانستان نینگ دایمی طرف‌سیزلیگی توغریسیده مصلحتی قورلتای یولگه قوییلیشی دن خبر بیردی؛ بیراق بو قورلتای نینگ هدفی و قنده‌ی یولگه قوییلیشی توغریسیده حکومت سوزلاوچی‌لری معلومات بیریش گه حاضر بولمه‌گن.
سیاسی ایش بیلرمان‌لردن قطاری حکومت تامانیدن مصلحتی قورلتای یولگه قوییلیشی نی نمایشی دیب و ایتیش‌لریچه، بونده‌ی جرگه‌لر دموکراتیک و مشروع ایمس دیر. اولرگه کوره، حکومت تامانیدن بونده‌ی قورلتای یولگه قوییلیشی سیاسی بیر اویین دیر.
سیاسی ایش بیلرمان‌لردن باشقه بیری رحمت‌الله بیژن پور نینگ ایشانچی گه کوره، قورلتای‌لرگه قتنه‌شیش اوچون تنلنگن کیشیلر سیاسی قرار آلیش اوچون کوچ‌سیز دیر و اولرنینگ سهمی یالغیز امتیاز قولگه کیلتیریش دیر.
بوندن آلدین هم طالبان محبوس‌لری قوییب یوباریلیشی و تینچلیک خریطه یولی توغریسیده حکومت تامانیدن مصلحتی قورلتای یولگه قوییلیب و تنقیدلرگه روپه‌رو بولگن ایدی.
