افغانستان مدنی جماعه‌چیلیگی، اروپابیرلیگی و اونگه اعضا اولکه‌لردن تینچلیک مذاکره‌دن کیین هم افغانستان نینگ رواجلنیشی و برقرارلیگی خصوصیده حمایت قیلیشی‌نی سوره‌گن.
افغانستان مدنی جماعه‌چیلیگی و اروپا پارلمانی آره‌سیده اوتکزیلگن آنلاین ییغینده بو ایسته‌ک افغانستان مدنی جماعه‌چلیکی تامانیدن ارایه ایتیلگن.
اوشبو ییغینده افغانستان بوییچه اروپا پارلمانی هیاتی نینگ باشلیغی پیتراس استریوسیوس و یولداش‌لری، اروپابیرلیگی نینگ کابلده‌گی ایلچیسی اندریاس‌وان برنت، افغانستان مدنی جماعه‌چیلیگی اعضالری، افغانستان تدقیقات و تیکشیریش بولیمی و قطار تشکیلات اعضالری قتنشگن ایکنلر.
افغانستان مدنی جماعه‌چیلیگی، اروپابیرلیگی و اونگه اعضا اولکه‌لردن، اوروش تامان‌لری تیزلیککه آتیش کیسین‌گه چقیریلیش‌لرینی سوره‌گن.
افغانستان مدنی جماعه‌چیلیگی، منطقه سیاستچی‌لریدن افغانستان ایچکی مسله‌لریگه دخالت قیلمس‌لیکلری خصوصیده اورغوله‌گن.
اوشبو ییغنیده افغانستان مدنی جماعه‌چیلیک اعضالری، تینچلیک مذاکره‌سیده عیاللر و مدنی جماعه حقلری نظر گه آلینیشی نی سوره‌شگن.
شونینگدیک اوشبو ییغینده اروپا پارلمانی، افغانستان عیاللری و مدنی جماعه‌چیلیگی تینچلیک مذاکره‌سی حقیده اوز حمایت‌لرینی بیلدیریشگن.
