افغانستان دنیا همجمعیت تامانیدن رسمیت گه تانیلیشی و اوشبو مملکتده سیاسی_حقوقی، اقتصادی و اجتماعی قیینچیلیکلر حلی اوچون، منطقه و خلق‌ارا سعی و حرکت‌لر بیلن افغانستان وضعیتی اوزگرمسلیگی و اوشبو مملکت منطقه و دنیا بویلب منزوی مملکت گه اوزگرگن بیرحالده، ۲۰۲۲_ییل یکونلندی.
همه‌شمول حکومت ایجاد بولمه‌گنی و انسان حقوقی رعایت بولمه‌گنی و خلق‌ارا ناآرام‌لیکلر، ۲۰۲۲_ییل‌ده افغانستان نینگ اساسی سیاسی قیین‌چیلیک‌لری دیر که، دنیا همجمعیت تامانیدن اسلام امیرلیگی نینگ رسمیت گه تانیلمه‌یشی گه سبب بولگن.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، افغانستان نینگ سیاسی قیین‌چیلیگی‌دن چیقیش اوچون دنیا و منطقه مملکت‌لریده کوپینچه دیپلماتیک سعی و حرکت‌لر و ییغین‌لر صورت تاپگن که، اولردن اینگ اونملی‌سی اسلو ییغینی، مسکو نینگ فرمت ییغینی، شانگهای همکارلیک‌لر تشکیلاتی ییغینی و بیرلشگن ملت‌لر تشکیلات‌لری نینگ خوفسیزلیک کینگش ییغین‌لری دیر.
افغانستان ده اسلام امیرلیگی نینگ قدرت گه ایریشگنی‌دن کیین، بیرلشگن ملت‌لر تشکیلاتی نینگ خوفسیزلیک کینگشی، افغانستان مسئله‌سی خصوصیده کوپینچه ییغین‌لر نی یولگه قوییگن که اولردن اینگ سونگ یولگه قوییلگن ییغین، اسلام امیرلیگی تامانیدن عیال‌لر‌دن تحصیل و ایش حقی آلینگنی خصوصیده ۲۴ قوس یولگه قوییلگن.
خلق‌ارا رابطه‌لر تدقیقاتچی نظیراحمد رزاقی نینگ ایتیشیچه، اسلام امیرلیگی نینگ رفتاری خصوصیده اوزگریش کیلمه‌گونچه، اوشبو مملکتده وضعیت شو رقم دوام تاپیشی ممکن و شونینگدیک مذکور ییغین‌لر نینگ نتیجه بیرمه‌یشی ممکن.
اونینگ کوپه‌یتیرشیچه: «جانی و مالی هزینه‌لر گه دوچ کیلگن طبیعی حادثه‌لر و شونینگدیک قیزلر یوزیگه مکتب‌لر ایشیگی یاپیلیشی و نهایت، بیلیم یورت‌لر و ایچکی و خارجی نادولتی موسسه‌لر عیال‌لر گه ایشی توخته‌تیلیشی بو ییل نینگ جدی قیین‌چیلیک‌لریدت ایدی.»
بیزلرنینگ توییترده هم تعقیب قیلینگ!
باشقه بیر تامان‌دن، خلق‌ارا رابطه‌لر بیلرمانی حبیب‌الله جعفری نینگ ایتیشیچه، ۲۰۲۲_ییل افغانستان اهالی‌سی اوچون یخشی ییل ایمس ایدی و مملکتده هیچ قنده‌ی رواجلنیش اورته گه کیلمه‌گن. اونینگ کوپه‌یتیریشیچه: «دنیا بیلن تماس و تعامل قیله‌آلمه‌دیک، اسلام امیرلیگی نینگ رفتاری اوزگریب و ۲۰۲۳_ییل‌ده یخشی اوزگریش‌لر گه شاهد بولیشی‌میز خصوصیده امید‌وارمین.»
افغانستان ده اسلام امیرلیگی نینگ قدرت گه ایریشگنی‌دن بیری بیر ییل‌دن آرتیق اوتگن؛ بیراق حاضرگچه اوشبو مملکت سیاسی قیین‌چیلیک‌ده قرار تاپگن دیر.
