کابل بلدیه‌سی سوزلاوچیسی سمیرا رسا نینگ ایتیشیچه، پارک سینماسی بناسی نینگ قیته قوریلیشی ناممکن و انه‌سبب، تخریب قیلینه‌دی.
خانم رسا نینگ کوپه‌یتیریشیچه، کابل بلدیه‌سینی بو سینما نی قیته قوریلیشی خصوصده هیچ‌قنده‌ی ریجه‌سی یوق.
بیراق، افغان فلم، پارک سینماسی نینگ کابل بلدیه‌سی تامانیدن بوزیلیشی خصوصده عکس‌العمل کورستیب، پارک سینماسی فرهنگ و کابل یشاوچی‌لری اوچون جوده اونملی دیگن.
افغان فلم تامانیدن ترقه‌تیلگن اعلامیه گه کوره، افغان فلم نیچه مرته اولکه سینمالری نینگ مسوولیتی‌نی کابل بلدیه‌سیدن ایسته‌گن، بیراق کابل بلدیه‌سی نینگ مسووللری افغان فلم نینگ ایسته‌گی‌نی رد قیلگن.
افغان فلم نینگ کوپه‌یتیریشیچه، پارک سینماسینی تخریب قیلینیشی، تاریخ، فرهنگ، هنر و اولکه سینماسی نینگ بیر بولیمینی تخریب قیلیش دیر.
افغان فلم باشلیغی خانم صحرا کریمی نینگ پارک سینماسی بوزیلیشی‌گه قرشی عکس‌العمل کورستیب، پارک سینماسینی تخریب قیلینیشی، شهرنینگ سینمالیک خاطره‌لرینی نابود قیلیش دیگن.
