هرات محلی مسئوللری نینگ تصدیق قیلیش‌لریچه، هرات شهری گازرگاه جامع مسجدی نینگ خطیبی مجیب‌الرحمان انصاری اوستیگه اویوشتیریلگن هجوم نتیجه‌سیده یره‌لنگن اوچ کیشی نینگ اولیشی بیلن، اوشبو هجوم‌ده هلاک بولگنلر نینگ سانی ۲۱ کیشی گه کوپه‌یب و یره‌دارلر سانی ایسه ۲۰ کیشی ییتیشگن دیر.
هرات حاکمی سوزلاوچیسی حمیدالله متوکل نینگ سلام‌وطندار گه ایتیشیچه، ارائه بولگن آمار، گازارگاه مسجدی‌ده اویوشتیریلگن هجوم تلفاتی نینگ سونگی آماری دیر.
بیزلرنینگ توییترده هم تعقیب قیلینگ!
جناب متوکل گه کوره، اوشبو واقعه‌ده یره‌لنگن ۲۰ یره‌دار آره‌سیده، بیر کیشی نینگ وضعیتی یامان دیر و باشقه یره‌دارلر ایسه درمان‌دن کیین کسل‌خانه‌دن مرخص بولگنلر.
هرات حاکمی سوزلاوچیسی اوشبو واقعه عامل‌لری نی قولگه آلینیشی نی بیان قییلب و تاکید قیلگن که، مذکور واقعه عامل‌لری تیزلیککه جزالنتیریلیش‌لری ممکن.
جمعه کون ۱۱-سنبله، هرات شهری گازارگاه جامع مسجد خطیبی و مملکت نینگ تانیقلی دین عالم‌لریدن مجیب‌الرحمان انصاری اوستیگه اویوشتیریلگن هجوم نتیجه‌سیده، او و اونینگ ایناغه‌سی هلاک بولگن دیر.
بیزلرنینگ فیسبوک صحیفه‌میزگه باش اورینگ!
هرات خوفسیزلیک و محلی مسئوللری اوشبو آمار‌دن آلدین مذکو هجوم عاقبتیده ۱۸ کیشی هلاک و ۲۳ کیشی یره‌لنگن دیگن ایدیلر.
حاضرگچه اوشبو هجوم مسئولیتی نی بیرار گروه یا-ده شخص بویینیگه آلمه‌گن.
