جوزجان ولایتی قوشتیپه و درزاب تومنلرینی برق بیلن تأمینلش شرطنامهسی، قریب بیر میلیارد ۸۸۶ میلیون افغانی عوضیگه، اسلام امیرلیگی سوو و برق وزیرلیگی و خصوصی بیرشرکت اورتهسیده امضالندی.
سوو و برق وزیرلیگینینگ دایمی برقلر ریاستی عمومی باشلیغی عبدالرحمان رحمانی، بوگون (۲-جدی، دوشنبه/۲۳-دسمبر، سهشنبه) کابل شهریده حکومت اخبارات و یېتکرمهلر مرکزیده مطبوعاتی ییغیلیشده ایتیشیچه، اوشبو لایحه ۸۵.۲۴ کیلومتر اوزونلیکده ۲۲۰ کیلوولت برق لینینی اوزهیتیریش، جوزجان ولایتی قوشتیپه و درزاب تومنلریده ایکی سباستیشن و ایکی برق توزیع قیلیشنی قوریشدن عبارت دیر.
رحمانی گه کوره، بو لایحه ایشی اوچ ییل ایچیده توگهیدی و مینگلب عایله برق بیلن تأمینلنهدی.
سوو و برق وزیرلیگی سۉزلاوچیسی مطیعالله عابد گه کوره، بو برق توزیع قیلیش لایحه دیر و اونینگ منبعسی ملی برقدن تأمینلنهدی. او شوندهی دیېدی: «بو برق توزیع قیلیش لایحه دیر. برق منبعسی شبرغان سباستیشینیدن تأمینلنهدی و شبرغان سباستیشنی ملی برققه اولنگن.»
شو بیلن بیرگه شرطنامه امضالهگن شرکت مسئوللری، لایحه عملگه آشیریلگن حالده، ۴۷ مینگ جوزجان اهالیسینینگ برق احتیاجی حل بولیشینی بیلدیرهدی.
«ستیت کاراپس» انشاآتی شرکت وکیلی علاوالدین سلیم شوندهی دیېدی: «بو لایحهدن مقصد شبرغاندن قوشتیپه و درزاب گه قدر ۸۵ کیلومتر اوزونلیکده ۲۲۰ کیلوولت برق لینینی انتقال بیریش دیر. قوشتیپه و درزاب تومنلریده ایکی برق سباستیشینینی قوریش و شونینگدیک بو ایکی تومنده برق توزیع قیلیش دیر.»
سوو و برق وزیرلیگی مسئوللری، کېلهسی بیش ییل دستورلریده، افغانستان مقیاسیده قویاش، سوو، شمال و تاش کومیر منبعلریدن ۲۰۰ برق ایشلب چیقریشنی جایلشتیرگنلرینی معلوم قیلهدیلر.
