تخار ولایتی سوو و برق ریاستی مسئوللری، اوشبو ولایتده «کوکچه برق توغانی»نینگ قوریلیش تخنیکی ایشلری باشلنگنیدن خبر بیردیلر.
تخار دشتقلعه سوو و برق ریاستی مسئوللری گه کوره، کوکچه دریا برق توغانینینگ قوریلیش تخنیکی ایشلری، لابراتوار و تېکشیریلیشی اوچون باغلیق انجنیرلر گه تاپشیریلگن.
دشتقلعه سوو و برق ریاستی مسئوللری، بو تېکشیرولر اوچ آی ایچیده یکونلنیشی ممکن دیگنلر.
اولرنینگ فکریچه، دستلبکی تېکشیرولر یکونیدن سۉنگ اوشبو لایحهنینگ عملی ایشی باشلنهدی.
تخار دشتقلعه سوو و برق ریاستی مسئوللری، بو لایحه ایشی توگهشی بیلن تخار ولایتی ماورای کوکچه و قندوز ولایتی دشتارچی تومنیده ۱۰ مینگ هکتار ییر سوغاریلیب و ۴۰ مینگ میگاواتدن آرتیق برق ایشلب چیقریلیشینی معلوم قیلگنلر.
شو بیلن بیرگه، ماورای کوکچه اهالیسی، کوکچه دریا برق توغانینینگ عملی ایشی باشلنگنیدن خورسندلیک قیلیب و مملکت مقیاسیده آست قورمهلر گه کوپراق دقت قیلینیشینی سورهیدیلر.
