افغانستان اقلیم اۉزگریشی سلبی عاقبت‌لریدن تأثیرلنگن آلتینچی مملکت دیر و یشاوچیلری اوشبو طبیعی حادثه‌لر باعث تورلی خیل قیینچیلیک بیلن دوچ بولگن.
بدخشان یشاوچیسی جسور، اقلیم اۉزگریشی باعث سوو تاشقین‌لریدن کوپ زیان کورگنینی معلوم قیله‌دی.
بدخشان ولایتی جرم تومنی اوشبو یشاوچیسی گه کوره، چاروه‌چیلیگی بولیب و ۳۰ باش چاروه‌سی سۉنگی سوو تاشقین‌لری باعث تلف بولگن، بو واقعه دن کېین حاضر قیین احوالده تیریکچیلیک قیلماقده.
جسور سلام‌وطندار بیلن اۉتکزگن صحبتیده بونده‌ی دیېدی: «کمبغل میز و برچه بای‌لیگیمیز شو ۳۰ باش چاروه اېدی که سوو تاشقین‌لری طفیلی تلف بولدی.»
شونینگدیک، بدخشان ولایتی یشاوچیلریدن بیری و محنت‌چیلیک ایشلری بیلن شغللنیب کېله‌یاتگن عبدالرووف، سوو تاشقین‌لری باعث ایکینچیلیک محصولات‌لری نقصان کورگن و حاضر کېله‌جگیدن خواطرده، چونکه ایکینچیلیک آرقه‌لی تیریکچیلیک قیلیب کیلگن و باشقه هېچ نرسه‌‌سی یوق‌لیگینی اېته‌دی.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «ایکینچیلیک محصولات‌لریمیز سوو تاشقین‌لری باعث یوق بولدی، کمبغل میز، یاردم کورسه‌تیلیش گه امیدوارمیز لېکن حاضرگه قدر یاردم کورسه‌تیلمه‌گن.»
شو بیلن بیرگه، خلق‌ارا آزیق-آوقت دستوری افغانستان اقلیم اۉزگریشی سلبی عاقبت‌لریدن زیان کورگن آلتینچی مملکت دیب و اوشبو اقلیم اۉزگریش‌لری طفیلی سوو تاشقین‌لری کبی طبیعی حادثه‌لر بو مملکت یشاوچیلرینی تورلی خیل قیینچیلیک بیلن دوچ قیلگن و بو احوال انسان پرورلیک یاردم‌لر گه محتاج کیشی‌لر نینگ سانی کوپه‌یشی گه سبب بولگن و حاضرگی کونده محتاج کیشی‌لر نینگ احتیاج‌لرینی تأمینلش اوچون بودجه‌لری آزلیگینی بیلدیره‌دی.
ایش بیلرمان‌لر افغانستان اقتصادی، ایکینچیلیکّه تیه‌نگن‌لیگی و آست قورمه‌لر یوق‌لیگی همده اقلیم اۉزگریش سلبی عاقبت‌لرینی کمه‌یتیریش اوچون ریجه‌سیزلیکنی افغانستان نینگ اقلیم اۉزگریشی طفیلی زیان کوریش اصلی عاملی عنوان قیله‌دیلر.
بیزلرنینگ «ایکس» ترماغی ده هم تعقیب قیلینگ!
حکومت اداره‌لری مملکتده اقلیم اۉزگریش سلبی عاقبت‌لرینی کمه‌یتیریش اوچون چاره-تدبیر کوریلیشی کېره‌ک دیېدیلر.
یشش محیط ملی اداره اقلیم اۉزگریش باشلیغی روح‌الله امین، اقلیم اۉزگریش سلبی عاقبت‌لری باشقریلیشی اوچون مملکت ایچیده ملی پالیسی عملگه آشیریلیشی و مالی قۉللب-قوتلنیشی گه تأکید اېته‌دیلر.
اونینگ ایتیشیچه، اوشبو اداره خلق‌ارا تحریم‌لر بیلن اقلیم اۉزگریشی گه قرشی کوره‌ش بولیمیده ایکّی لایحه نی عملگه آشیریش گه اولگورگن.
سرپرست حکومت اقتصاد وزیرلیگی، اقلیم اۉزگریشی افغانستان اقتصادی اوستیگه سلبی تأثیر قویگنینی معلوم قیلیب و بو بحران گه قرشی کوره‌ش اوچون سعی-حرکت قیله‌یاتگنلریدن ایشانچ بیلدیره‌دی.
افغانستانده گلخانه‌ای گازلر تولید بولمسه ده، لېکن بو مملکت اقلیم اۉزگریشی طفیلی زیان کورگن آلتینچی مملکت رویخطی گه کېریتیلگن. بونگه قۉشیمچه قریب اوچ ییلدن بېری افغانستان نینگ بو بولیمیده خلق‌ارا ۳۰ دن آرتیق لایحه ایشی توخته‌تیلگن و اقلیم اۉزگریش خلق‌ارا ییغیلیش‌لرده هم چیقریلمه‌یدی.