تخنیکی و مسلکی تعلیمات اداره‌سی مسئوللری، بوگون (سه‌شنبه، ۱۷-اسد)، دولت نینگ ملت گه حساب بیریش برنامه‌سیده ایتیشلریچه، تعلیم بولیمیده ملَکه‌لی ایشلاوچیلر گه تعلیم بیریش اوچون بودجه و مسلکی کدرلر آزلیگی بیلن روپه‌ره‌لر.
تخنیکی و مسلکی تعلیمات اداره‌سی سرپرستی غلام‌حیدر شهامت نینگ ایتیشیچه، ایش و اوقیش‌دن محروم قالگن کیشی‌لردن قطاری نینگ تعلیم و مسلکی مهارت‌لر گه نیازلری بولگنی بیرحالده؛ بیراق اوشبو اداره بو بولیم‌ده ییترلیچه ایشلاوچیسی یوق دیر.
بیزلرنینگ فیسبوک صحیفه‌میزگه باش اورینگ!
جناب شهامت نینگ کوپه‌یتیریشیچه: «امکانیت‌لر نی آشیریش برنامه‌لر بیریلمه‌گن و اقتصاد، صناعت، ایکینچیلیک، کان‌لر و تیمیر یولی‌ده کدرلر کم‌لیگی بیلن روپه‌ره بولگنی‌میز بیرحالده، بیر قطار ولایت‌لرده مسلکی اوقیتووچیلر اصلا یوق دیر.»
تخنیکی و مسلکی تعلیمات اداره‌سی سرپرستی گه کوره، افغانستان ده ایش‌سیزلر رقمی گه آی‌ده ۴۱ مینگ‌دن آرتیق کیشی نینگ کوپه‌یشی بیرحالده، عمومی تعلیم‌لر ۲۰ فایز ایش‌سیز نینگ ایش بازاری گه تانیشتیریشی ممکن. «ملَکه‌لی کیشی‌لر گه نیاز بار، یالغیز مس عینک ۱۷ مینگ مسلکی کیشی گه نیازی بار و باشقه صناعت بولیمیده ایسه، خارج‌دن نفر کیلتیره‌میز. ایش‌خانه‌لریمیز هیچ قنده‌ی مستقل‌لیککه ایگه ایمس.»
باشقه بیر تامان‌دن، اوشبو اداره مسئوللری نینگ ایتیشلریچه، اولر اوچون نظر گه آلینگن بودجه، کینگ آستقورمه‌لر ایشی نینگ آلغه کیتیشی اوچون ییترلی ایمس.
مذکور اداره نینگ مالی و اداری اورین‌باسری فضل‌الرحمان فاضل نینگ ایتیشیچه، اوتگن ییل اوشبو اداره گه بیر یریم میلیارد افغانی بودجه اجره‌تیلگن. «۱۴۰۱-ییل‌ده تخنیکی و مسلکی اداره قریب بیر یریم میلیارد افغانی بودجه اجره‌تیلگن ایدی و ۱۴۰۲-ییل اوچون ایسه بیر میلیارد ۴۰۱ میلیون افغانی گه اختصاص بیریلگن که، ۱۹ میلیونی‌دن آرتیغی صرف‌لنگن.»
بیزلرنینگ توییترده هم تعقیب قیلینگ!
تخنیکی و مسلکی تعلیمات اداره‌سی نینگ ایتیشیچه، اوشبو اداره اوتگن ییل قریب ۱۵۰۰ کیشی نی تورلی بولیم‌لرده تعلیم بیرگن دیر.
عین حالده، اوشبو اداره مسئوللری نینگ کوپه‌یتیریشلریچه، نیچه مدت‌دن بویان مذکور نهاد اوقیتووچیلریدن قطاری، یوقاری آیلیک آلیش اوچون بو اداره نی ترک قیلیب و باشقه اداره‌لر گه کیته‌دیلر.