معارف وزیرلیگی توزیلمه‌سیدن تخار معارف ریاستی معلم تربیه‌لش مسلکی ترقیات آمریتی حذف ایتیلیشیدن کیین، اوشبو آمریت ایشلاوچیلری و اوقیتووچیلریدن بیرقطاری تقدیرسیزلیک‌لریدن شکایت قیله‌دیلر. مذکور اوقیتووچیلر نینگ ایشانچی گه کوره، هر بیری معلم‌لر نینگ ظرفیتینی آشیریش و تربیه‌لش ساحه‌سیده ۱۰ و ۲۰ ییل خذمت قیلگنلر.
تخار معلم تربیه‌لش اوقیتووچیلریدن بشیراحمد سنقر نینگ سلام‌وطندار گه ایتیشیچه: اسلام امیرلیگی حاکمیتی و افغانستان بویلب معلم تربیه‌لش ریاست‌لری حذف ایتیلیشی دن کیین، اوشبو ریاست‌لر نینگ برچه اوقیتووچیلری و ایشلاوچیلری تقدیرسیز بولگن و تقدیریم نیمه بولیشنی بیلمه‌ی من.»
بیزلرنینگ فیسبوک صحیفه‌میزگه باش اورینگ!
تخار معلم تربیه‌لش اوقیتووچیلریدن باشقه بیری صبغت‌الله فرهمند گه کوره: «اوقیتووچیلر تعلیم و تربیه ساحه‌سیده خذمت قیلماقده ایدیلر، کیله‌جک ده تقدیرلری نیمه بولیشیدن خواطرده‌لر، افغانستان بویلب معلم تربیه‌لش برچه اوقیتووچیلری اسلام امیرلیگی دن معلم تربیه‌لش ریاستینی معارف وزیرلیگی توزیلمه‌سیده سابق کبی جایلشتیریشنی ایسته‌یدیلر.»
عین‌حالده، تخار معلم تربیه‌لش مسلکی ترقیات آمریتی مسئوللری نینگ ایتیشلریچه، اوشبو اداره ایکی ییل آلدین معلم تربیه‌لش ریاستی دن معلم‌لر نینگ مسلکی ترقیات آمریتی گه اوزگردی؛ لیکن مذکور اداره معارف وزیرلیگی توزیلمه‌سیدن بوتونلی حذف ایتیلیشی بیلن قریب ۱۹۰ کیشی ایش‌سیز بولگن. بیراق تخار مسلکی ترقیات آمریتی رسمی‌لری، اوشبو آمریت نینگ ایشلاوچیلری باشقه بولیم‌لرده وظیفه‌لنتیریلیشیدن ایشانچ بیره‌دیلر.
تخار مسلکی ترقیات آمری امیرعبدالله نینگ ایتیشیچه: «اوقیتووچیلر نینگ تشویش‌لری اونچه‌لیک خواطرلی ایمس چونکه بویوک‌لر، اولرنی یخشی لوازم‌لرده جذب قیلیش‌لریدن ایشانچ بیریشگن.»
بیراق تخار معارف ریاستی مسئوللری نینگ ایتیشلریچه، اوشبو اداره معارف وزیرلیگی توزیلمه‌سیدن بوتونلی حذف بولمه‌گن و بوتونلی حذف بولگن حالده، اوقیتووچیلر و ایشلاوچیلری معارف نینگ باشقه لوازم‌لریده جذب بولیش‌لری ممکن.
بیزلرنینگ توییترده هم تعقیب قیلینگ!
تخار معارف باشلیغی عبدالبشیر مبشر نینگ سلام‌وطندار گه ایتیشیچه: «معلم تربیه‌لش اوقیتووچیلری کدر و بیلیم‌لی بولیش‌لری گه شبهه یوق، معلم تربیه‌لش ریاستی توزیلمه‌دن حذف بولسه، اولر عمومی تعلیمات، مکتب‌لر و شونینگدیک اسلامی تعلیمات لوازم‌لریده جذب بوله‌دیلر، اولر هیچ قچان تقدیرسیز قالمه‌یدی، چونکه اولر نینگ معارف وزیرلیگی تامانیدن مکتوب‌لری بار.»
عین‌حالده، اوتگن آی معارف وزیرلیگی بیر خبرنامه ترقه‌تیب، باش وزیرلیک نینگ تشکیلات و معاش‌لر کمیسیونی، موازی و تأثیرسیز اداره‌لر معارف وزیرلیگی توزیلمه‌سیدن حذف بولیش قراری گه کیلگن ایدی. اوشبو قرار دن کیین، مملکت بویلب معلم تربیه‌لش برچه ریاست‌لری معارف وزیرلیگی توزیلمه‌سیدن حذف بولیب و مذکور نهادلر نینگ اوقیتووچیلری و ایشلاوچیلری تقدیرسیز بولیشگن.