تخار ولایتی محلی مسئوللری، بوگون (سه‌شنبه، ۲۱ سنبله)، اوشبو ولایت نینگ دشت‌قلعه تومنیده بیر مکتب آلاو آلگنیدن خبر بیرگنلر.
تخار ولایتی دشت‌قلعه تومنی معارف آمری عزت‌الله مظفری نینگ سلام‌وطندار گه ایتیشیچه، دشت‌قلعه تومنیده انجنیر حامدالله شهید (شلترنو) مکتبی آلاو آلیب و بیر میلیون افغانی دن آرتیق زیان ییتکیزگن.
بیزلرنینگ فیسبوک صحیفه‌میزگه باش اورینگ!
مظفری جنابلری نینگ کوپه‌یتیریشیچه، مذکور مکتب ده ایکی مینگ دن آرتیق اوقووچی تعلیم کورر ایدی و حاضر ایکی صنف دن باشقه برچه صنف‌لری و حجت‌لری آلاو آلگن و اولر آز سانده چوکی‌لرنی چیقریش گه اولگورگنلر.
دشت‌قلعه تومنی معارف آمری، سرپرست حکومت و همکار مؤسسه‌لردن اوشبو مکتب نینگ فعالیتی توخته‌مسلیگی و اوقووچیلر تعلیم دن محروم قالمسلیگی اوچون، مذکور مکتب نینگ بناسینی تیزلیک بیلن قیته قوریش‌لرینی سوره‌یدی.
بیزلرنینگ توییترده هم تعقیب قیلینگ!
او، اوشبو مکتب قنده‌ی و نیمه سبب آلاو آلیشی حاضرگچه بیللی بولمه‌گنینی ایته‌دی، بیراق دشت‌قلعه تومنیده اطفائیه یوق‌لیگی باعث آلاونی تیزلیک بیلن اوچیره آلمه‌گنلر.
تخار ولایتی دشت‌قلعه تومنیده جایلشگن انجنیر حامدالله شهید اورته مکتبی، قریب ۲۵ ییل آلدین قوریلیب و او ییرده مینگلب اوقووچی درس و تعلیم بیلن مصروف ایدیلر.
