تخار ده‌گی محلی منبع‌لر، سلام‌وطندار بیلن اوتکزگن صحبت‌لریده اوشبو ولایت نینگ مرکزی تالقان شهری ده پارتلش یوز بیرگنیدن خبر بیره‌دیلر. منبع‌لر گه کوره، اوشبو پارتلش بوگون (چهارشنبه، ۷ جدی) ایرته‌لب ساعت ۹:۴۰ اطرافیده، تالقان شهری چوک حدودلریده یوز بیرگن.
عین‌حالده، تخار خوفسیزلیک مسئوللری اوشبو پارتلش نی تصدیقلب ایتیشلریچه، مذکور پارتلش تالقان شهری اوچینچی خوفسیزلیک حوزه حدودلری ده یوز بیرگن.
بیزلرنینگ فیسبوک صحیفه‌میزگه باش اورینگ!
تخار امنیه قوماندان‌لیگی سوزلاوچیسی عبدالمبین صافی گه کوره، ییرلشتیریلگن ماین پارتلشی عاقبتیده حادثه یوز بیرگن نتیجه ده ۴ تینچ اهالی یره‌لنگن.
شونینگدیک تخار ولایتی کسلخانه‌سیده بیر منبع اسمی سِر قالیش شرطی بیلن سلام‌وطندار گه ایتیشیچه، حادثه طفیلی بیر باله شامل ۸ یره‌دار کیشی اوشبو کسلخانه گه انتقال بیریلگن.
باشقه تاماندن مذکور پارتلش «قطغن» خصوصی کسلخانه‌سی یقینیده یوز بیرگنلیگی معلوم قیلینگن. اوشبو کسلخانه مسئوللری، خوفسیزلیک مسئوللردن ساغلیک مرکزلر امنیتی تأمین ایتیلیشینی سوره‌یدیلر.
بیزلرنینگ توییترده هم تعقیب قیلینگ!
«قطغن» کسلخانه‌سی مسئولی قطب‌الدین شریفی نینگ سلام‌وطندار گه ایتیشیچه، حادثه باعث مالی زیان گه علاوه مذکور کسلخانه نینگ تورت خادمی یره‌لنگن.
جناب شریفی نینگ کوپه‌یتیریشیچه، حکومت اهالی خوفسیزلیگی اینیقسه ساغلیک مرکزلر نینگ امنیتی تأمین ایتیلیشی خصوصیده دقت قیلیشی کیره‌ک.
اوشبو پارتلش مسئولیتینی حاضرگچه هیچ کیم یا گروه تن آلمه‌گن.
