معارف وزیرلیگی رسمی‌لری بوگون (سه‌شنبه، ۷-قوس)، شهادت‌نامه توزیع قیلیش جریانی الکترونیکی بولیش و معارف وزیرلیگی انبارلریده‌گی نرسه‌لرنی ثبت قیلیش ده ایتیشلریچه، تینیق‌لیک و قولی‌لیک یره‌تیش مقصدیده، شهادت‌نامه‌لر نینگ توزیع قیلیش جریانینی الکترونیکی قیلگنلر.
اولر گه کوره، اوشبو جریان ده اوقووچیلر نینگ اوچ‌ییل‌لیک نمرات نتیجه‌لری اسکنی، اوچ باسقیچ ده اطلاعات تائیدی، کیم‌لیک‌لر ترتیبلی روشده چاپ بولیشی و مخصوص امنیتی کُدلر بیلن کوپه‌یتیریلگن.
بیزلرنینگ فیسبوک صحیفه‌میزگه باش اورینگ!
معارف وزیرلیگی مسوللری نینگ ایتیشلریچه، شهادت‌نامه توزیع قیلیش الکترونیکی جریانی تطبیق ایتیلیشی بیلن، دولت و نادولتی اداره‌لر اوشبو سیستم آرقه‌لی اوقووچیلر نینگ فراغت‌لرینی آنلاین روشده تیکشیریش‌لری ممکن.
معارف وزیرلیگی سرپرستی حبیب‌الله آغا نینگ ایتیشیچه: «معارف وزیرلیگی نینگ شهادت‌نامه توزیع قیلیش و نرسه‌لرنی ثبت قیلیش جریانی الکترونیکی بولگن، بو جریان اداری بولیم‌لرده عدالت و تینیق‌لیککه سبب بولیب و شهادت‌نامه توزیع قیلیش جریانی ده قولی‌لیک یره‌تیشی ممکن.»
معارف وزیرلیگی سرپرستی، مملکت ده تعلیم و تربیه اهمیتی اوستیگه تاکیدلب ایتیشیچه، تعلیم و تربیه گه دقت قیلگن مملکت‌لر کوپراق رواجلنگن.
بیزلرنینگ «ایکس» ترماغی ده هم تعقیب قیلینگ!
ایتیش کیره‌ک، بوندن آلدین معارف وزیرلیگی مسئوللری سلام‌وطندار بیلن اوتکزگن صحبت‌لریده، سابق حکومت زمانیده فارغ بولگنلر شامل ۲۰۰ مینگ شهادت‌نامه ایشی، حاضرگچه یکونلنمه‌گنینی ایتگن ایدیلر.
