طالبان گروهی، آمریکا جمهورلیک ریاستی سیلاویده اوز حمایتی‌نی اوشبو مملکت جمهور رئیسی دونالد ترامپ‌دن اعلان قیلگن.
طالبان سوزلاوچیسی ذبیح‌الله مجاهد، کیله‌جک سیلاوده ترامپ نینگ یوتوقگه ایریشیشدن امیدوارلیک بیلدیرگن.
سی بی اس شبکه‌سی نینگ ذبیح‌الله مجاهد دن نقل قیلیب ایتیشیچه: «بیز (طالبان گروهی) کیله‌جک سیلاو ده ترامپ یوتوققه ایریشیب و افغانستاندن حربی‌لرینی چیقاریشده امیدوار میز.»
طالبان اعضالری، ترامپ نینگ کرونا ویروسی‌گه یولیقگنیدن خواطر بیلدیرگن. عین‌حالده، طالبان باشقه بیر اعضاسی نینگ سی بی اس شبکه سیده ایتیشیچه: «بیز ( طالبان گروهی ) ترامپ نینگ نتیجه‌سی ایجابی اثبات‌لنیشیدن خواطرلندیک.»
او، جناب ترامپ نینگ ساغلیک وضعیتی یخشی بولگنی سبب، خرسندلیک بیلدیرگن.
ترامپ سیلاو ستادی سوزلاوچیسی تیم مورتو، طالبان گروهی ترامپ‌دن حمایت بیلدیرگنی‌نی رد قیلیب، جمهور رییس ترامپ هر قنده‌ی شرایط ده امریکا منفعتی‌نی قوریشده قرارلی دیر و طالبان گروهی نینگ بیلیشی کیره‌ک.
بیراق، اوشبو گزارش‌لر ترقلگنیدن سونگ، طالبان گروهی نینگ سوزلاوچیسی تویتر صفحه‌سیدن بیر خبر نشر قیلیب، سی بی اس شبکه‌سی اونینگ صحبت‌لرینی ناتوغری تعبیر قیلگنی‌نی بیلدیرگن.