جمهورلیک ریاست بیرینچی اورین‌باسری امرالله صالح نینگ ایتیشیچه، ملی خوفسیزلیک ریاستی طالبان تامانیدن اونینگ ترور قیلیش ریجه‌سینی خنثی قیلگن.
بوگون (چهارشنبه ۱۳- حوت) جناب صالح فیسبوک صحیفه‌سیده یازیشیچه، ملی خوفسیزلیک ریاستی اونینگ کیتیب-کیله‌دیگن یولیده طالبان تامانیدن بیللی قیلینگن ۱۶ نقطه نی کشف قیلگن. اونگه کوره، طالبان بو ۱۶ نقطه‌ده بمب جایلشتریش بیلن اونی ترور قیلیش نیتیده ایکن.
جمهورلیک ریاست بیرینچی اورین‌باسری سنبله آیی‌ده اونینگ ترور قیلیش اوچون اویوشتیریلگن هجوم گه اشاره قیلیب ایتیشیچه، مذکور هجوم نی طالبان بوینیگه آلمه‌دی، بیراق ملی خوفسیزلیک عمومی ریاستی تامانیدن قولگه آلینگن شبکه نینگ کورستیشیچه، اولر جیش محمد ناملی طیبه لشکری بیلن یقیین دن ایشله‌یدیگن طالبان دیر.
اونینگ کوپه‌یتیریشیچه، شونینگدیک قولگه آلینگن کیشیلردن ایکی ته‌سی جمهورلیک ریاست ایکینچی اورین‌باسری سرور دانش و افغانستان اسلامی وحدت حزب رهبری محمد کریم خلیلی نینگ کیتیب-کیله‌دیگن یوللرینی بیللی قیلیش‌لری خصوصیده اعتراف قیلگن.
جناب صالح نینگ ایتیشیچه، ملی خوفسیزلیک ریاستی نینگ مذکور گروه رهبری قاری سعید نی قولگه آلیش اوچون سعی و حرکتی حاضرگچه نتیجه بیرمه‌گن.
جاری ییل سنبله آیی ده کابل شهری نینگ تایمنی منطقه‌سیده کیم جمهورلیک ریاست بیرینچی اورین‌باسری نینگ اوتیب-قیته‌دیگن قتناویولی ایدی پارتلش یوز بیردی. بو حادثه‌ده ۱۰ کیشی هلاک و اونینگ قوروقچی‌لریدن قطاری شامل ۱۵ کیشی تن جراحتی کوتاردی.
