تخار ولایتی خواجهغار تومنیده جایلشگن امیر علیشیر نوایی مکتبی‌ده‌گی اوقیتووچیلر نینگ ایتیشلریچه، اوشبو مکتب اوتگن اوروشلر نتیجه‌سیده ویران بولگن.
مذکور اوقیتووچیلر گه کوره، اوشبو مکتب نینگ دیوارلری و صنفلری ویران بولگنی سبب درس جریانیده صنفلر تامی ییقیلیب، اوزلری و اوقووچیلر گه زیان ییتیشیشی‌دن قورقه‌دیلر.
بیزلرنینگ «ایکس» ترماغی ده هم تعقیب قیلینگ!
امیر علیشیر نوایی مکتبی‌ده‌گی اوقیتووچیلریدن گل‌میر نینگ ایتیشیچه: «بو مکتب‌ده قیین‌چیلیک کوپ، امیر علیشیر نوایی مکتبی خواجهغار تومنی‌ده‌گی درجه اول مکتب‌لردن دیر، بیراق اوتگن ییل‌لرده بو ییرده اوروش بولگن و شو رقم بو توغریده اونچه‌لیک توجه بولمه‌گن.»
شونینگدیک اوشبو مکتب‌ده‌گی اوقیتووچیلردن باشقه بیری حیات‌الله نینگ ایتیشلریچه: «بو ساحه‌ده ایکی مرته اوروش بولگن. مکمل شکلده صنفلر تامی ییقیلگن، ایشیک و کلکین‌لری بوزولگن و اولتیریش امکانیتی یوق.»
مذکور مکتب اوقیتووچیلری نینگ کوپه‌یتیریشلریچه، امیر علیشیر نوایی مکتبی شخصی ییر و محل گه ایگه دیر، بیراق حکومت قیین‌چیلیکلری نی حل قیلیب و بو مکتب نی ستندرد شکلده دم آلیش پارک بیلن قیته قوریشی کیره‌ک.
امیر علیشیر نوایی مکتبی آمری عبدالغفور احدی نینگ سلام‌وطندار گه ایتیشیچه: «بو مکتب‌ده ۲۱ ایشلاوچی بار و اوقیتووچی هم آز دیر. ییل‌ده بیر یا-ده نیچه اوقیتووچی نی معارف آمریتی‌دن طلب قیله‌میز. اوشبو مکتب بناسی نی کوردیز کو ستندرد ایمس و بیخی اورته‌دن کیتگن.
شونینگدیک مذکور مکتب‌ده سرمعلم بولمیش امان‌الله نینگ ایتیشیچه: «اوقووچیلریمیز سانی کوپ و جای آز دیر. لابراتوار ده لابراتوار اوسکونه‌لری یوق. کتاب‌خانه‌ده کتاب یوق. شو رقم باشقه قیین‌چیلیکلر بیلن هم روپه‌ره‌میز. حکومت‌دن همکارلیک قیلیشی و توجه قره‌تیشینی ایسته‌یمیز.»
شونده‌ی بیرحالده، مسئوللر اوشبو مکتب‌ده‌گی قیین‌چیلیکلر نی قبول قیلیب و ایتیشلریچه، خواجهغار تومنی‌ده‌گی ۳۵ مکتب‌دن ۱۵ ته‌سی بناسیز یا-ده قیته قوریلیش گه جدی شکلده نیازی بار و شونینگدیک اوشبو تومن‌ده‌گی باشقه ۲۱ مکتب‌ده ایچیم‌‌لیک سوو یوق که بو قیین‌چیلیکلر معارف رهبرلیگی بیلن شریک بولگن.
خواجهغار تومنی معارف آمری عبدالجلیل عثمانی نینگ ایتیشیچه: «برچه مکتب‌لرده بولگن قیین‌چیلیکلرنی معارف ریاستی رهبرلیگی بیلن شریک بولگن و اولر همکارلیک قیلیش خصوصیده سوز بیرگنلر. شونینگدیک نیچه مکتب سروی بولگن، لیکن سروی بولگنی‌دن کوپ وقت اوتگن و پروسه کیچیکتیریلگن. بو توغریده اونچه‌لیک توجه قره‌تیلمه‌گن.»
بیزلرنینگ فیسبوک صحیفه‌میزگه باش اورینگ!
امیر علیشیر نوایی خواجهغار نینگ درجه اول مکتبلریدن بیری حساب‌لنیب و ۱۳۷۳-ییل‌ده محل یشاوچیلر نینگ مالی یاردمی بیلن قوریلگن، لیکن ایکی دهه اوروش نتیجه‌سیده اوشبو محل گه زیان ییتیشگن.
ایتیش کیره‌ک که، معلوماتلر گه اساس تخار ده ۷۱۰ مکتب‌دن ۳۵۰ ته‌سی بناسیز دیر که مذکور ولایت‌ده اوقیتووچیلردن ۴۰ فایزی آچیق هوا‌ده درس بیریش بیلن شغللنگنلر.
