جوزجان یشاوچیلری و ییگیت‌لریدن بیرقطاری گه کوره، شفافیت تامینلنیشی و عامه پروژه‌لر صفتینی آشیریش اوچون دولت اداره‌لریدن نظارت ایتیش جریانینی باشله‌گنلر.
اولر نینگ ایتیشلریچه، اوشبو جریان نی تینیق‌لیک و امانتدارلیک بیلن بجریب و افغانستان نینگ آبادانچیلیگی اوچون سعی‌وحرکت قیله‌دیلر.
مذکور رضاکار ییگیت‌لر دولتی اداره‌لر مسئوللریدن، اولر گه اوشبو ولایت‌ده‌گی جاری پروژه‌لر ایشی پروسه‌‌سیدن نظارت قیلیش خصوصیده رخصت بیریلیشی نی ایسته‌گنلر.
بیزلرنینگ توییترده هم تعقیب قیلینگ!
مذکور ییگیت‌لر نماینده‌سی حسیب‌الله رحمانی نینگ ایتیشیچه: «ساغلیق‌نی سقلش ریاستی بیلن اجتماعی تیکشیریش نی ایسته‌دیک. ولایتی کسل‌خانه توزه‌تیلیشی و کانکریت تشلنیشی‌دن نظارت قیلیش ایسته‌دیک که، نظرگه آلینگن کیفیت بیلن توزه‌تیله‌دی می یا که خیر؟ بو توغریده امانت و رضاکار ییگیت‌لر ترماغی نینگ بو ییل نظارتی شو دیر.»
شونده‌ی بیرحالده، جوزجان یشاوچیلریدن زین‌الله فیصل نینگ ایتیشیچه، دولت نینگ ملت گه حساب بیریش برنامه‌سی، تینیق‌لیک ایجاد بولیشی و فساد نینگ اورته‌دن کیتیشی گه سبب بوله‌دی.
اونینگ کوپه‌یتیریشیچه: «دولت نینگ ملت گه حساب بیریشی، عامه خذمت‌لر بولیمی‌ده فساد و قیین‌چیلیک‌لر نینگ اورته‌دن کیتیشی گه سبب بوله‌دی و دولت نینگ اهالی آره‌سیده اعتبار کوپه‌یه‌دی و اهالی یخشی‌راق دولت‌دن حمایت قیله‌دی.»
شونینگدیک جوزجان یشاوچیلریدن باشقه بیری فیروز رحیمی نینگ ایتیشیچه، ملت گه حساب بیریش، ایش کیفیتی نی یوقاری کیتکزه‌دی و اهالی نینگ رضایت‌مندلیگی گه سبب بولیشی ممکن.
اونینگ کوپه‌یتیریشیچه: «اهالی و دولت یا-ده نهادلر اوزلری نی یشاوچیلر قرشی‌سیده حساب بیره‌دیگن بیلگنی بیرحالده، بو یش نینگ کیفیتی و ضمانتی نینگ یوقاری کیتیشی و اهالی ننیگ عامه خذمت‌لر و مسئوللر فعالیتی‌دن خورسند بولیش‌لری گه سبب بوله‌دی.»
باشقه بیرتامان‌دن، جوزجان ساغلیق نی سقلش ریاست رئیسی ذبیح‌الله حسینی نینگ ایتیشیچه، رضاکار ییگیت‌لر گه ساغلیق بولیمی‌ده قیته قوریش پروژه‌لر ایشی گه نظارت قیلیش اوچون رخصت بیریلگن و اولر هم اوشبو پروسه نینگ باشلنگنی‌دن حمایت قیله‌دیلر.
بیزلرنینگ فیسبوک صحیفه‌میزگه باش اورینگ!
اونگه کوره، مذکور پروژه نینگ یولگه قوییلیشی بیلن دولتی اداره‌لرده شفافیت و حساب بریش نینگ یخشی‌لنیشی ممکن.
جناب حسینی نینگ کوپه‌یتیریشیچه: «ییگیت‌لریمیز کیلیب ایشی‌میز‌دن نظارت قیلگنی و حتی ایش کیفیتی‌دن تنقید قیلگنلری بیرحالده، بیران قیینچیلیک بولسه توزه‌‌ته‌میز. تنقید نی قبول قیلمه‌گن نظام، اصلاح بولمه‌یدی. تنقید انسان نی سلامت‌لیککه آلیب کیته‌دی. حکومت ییگیت‌لر گه باغلیق دیر و اولر نینگ حکومت برنامه‌لری و ایشلریدن نظارت قیلیش گه حق‌لری بار.»
ایتیش کیره‌ک که، مملکتده سیاسی اوزگریشلردن کیین، مملکت نینگ تورلی منطقه‌لریده کیچیک و بویوک یوزلب قیته قوریش پروژه ایشی، یریم قالگن و اهالی سرپرست حکومت‌دن مذکور پروژه‌لر ایشی نینگ یکونلنیشی نی ایسته‌یدیلر.
