پاکستان ایچکی ایشلر وزیری سرفراز بوگتی، سه‌شنبه کونی، ۱۱ میزان، ۳ اکتوبر، مطبوعاتی ییغیلیش ده، ینه بیر مرته افغانستان‌لیک مهاجرلر نینگ اوشبو مملکت ده‌گی ناتینچلیکلر اصلی عاملی دیگن.
پاکستان ایچکی ایشلر وزیری نینگ ایشانچی گه کوره، میلادی اوشبو ییل باشله‌نیشیدن حاضر گه قدر، افغانستان‌لیک ۱۴ کیشی، پاکستان ده خودکش هجوم اویوشتیرگن.
مذکور ییغیلیش ده پاکستان ایچکی ایشلر وزیری نینگ ایتیشیچه: «جنوری آی دن بیری پاکستان ده خودکش هجوم اویوشتیرگن ۲۴ کیشی دن ۱۴ ته‌سی، افغانستان فقراسی دیر.»
بیزلرنینگ فیسبوک صحیفه‌میزگه باش اورینگ!
پاکستان ایچکی ایشلر وزیری گه کوره، ناقانونی برچه مهاجرلر گه اوشبو مملکت نی ترک ایتیش اوچون نوامبر آی گچه مهلت بیریلگن.
حاضر، پاکستان حکومتی جدی روشده مهاجرلر نی قولگه آلماقده دیر.
ینگی‌لیکده اجتماعی ترماق‌لرده ترقه‌لگن ویدیو گه کوره، پاکستان پولیسی تامانیدن قولگه آلینگن باله‌لر و عیاللر شامل مهاجرلر نینگ احوالی خواطرلی دیر.
اسلام امیرلیگی سوزلاوچیسی ذبیح‌الله مجاهد، اوز ایکس (تویتری) ده، پاکستان ایچکی ایشلر وزیری نینگ بیاناتی گه مناسبت بیلدیریب، افغانستان‌لیک مهاجرلر نینگ مذکور مملکت ده اویوشتیریلگن هجوم‌لر گه قولی بولیشینی رد قیلیب، مهاجرلر اوستیده‌گی باسیم نی قبول قیلینمس دیگن.
مجاهد گه کوره: «پاکستان ده افغانستان‌لیک مهاجرلر بیلن بوله‌یاتگن مناسبت قبول قیلینمه‌یدی، پاکستان رسمی‌لری بوتوغریده‌گی قرارینی قیته کوریب چیقیشی درکار، پاکستان ده‌گی خودکش هجوم‌لر افغان‌لر تامانیدن اویوشتیریلمه‌گن.»
مهاجرلر برابریده پاکستان دولتی نینگ قراری، اوشبو مملکت ده افغانستان‌لیک مهاجرلر نینگ ایریم قیینچیلیک‌لر بیلن دوچ قیلگن.
بیزلرنینگ «ایکس» ترماغی ده هم تعقیب قیلینگ!
پاکستان ده افغانستان‌لیک مهاجرلردن بیری نجیب‌الله حبیبی، مهاجرلر احوالینی خواطرلی دیب و خلق‌ارا تشکیلات‌لردن، مهاجرلر اینیقسه پاکستان آرقه‌لی چیت ایل گه باریشنی قصد قیلگنلر نینگ قیینچیلیگی حلی اوچون دقت قیلیش‌لرینی سوره‌یدی.
نجیب‌الله حبیبی نینگ سلام‌وطندار گه ایتیشیچه: «مهاجرلر قولگه آلینیشی پاکستان ده افغانستان مهاجرلری نینگ خواطری گه سبب بولگن و اولر قیین احوال ده یشه‌ماقده‌لر، پاکستان آرقه‌لی چیت ایل گه باریش اوچون سعی‌وحرکت قیله‌یاتگن‌لر نینگ قیینچیلیگی حل ایتیلیشی کیره‌ک.»
ایتیش کیره‌ک که، پاکستان رسمی‌لری نینگ بو کبی بیانات‌لری دوامیده، اسلام امیرلیگی تشقی ایشلر وزیرلیگی نینگ سرپرستی امیرخان متقی پاکستان رسمی‌لریدن، ییتکیرمه‌لرده بیانات بیریش اورنیده قیینچیلیک‌لرینی دیپلوماتیک یوللر بیلن حل قیلیشینی سوره‌گن ایدی، لیکن اولر اسلام امیرلیگی رسمی‌لری نینگ سوزلری گه اعتبار بیرمه‌ی ییتکیرمه‌لرده بیانات بیریش گه دوام بیرماقده‌لر.
