برشنا شرکتی سوزلاوچیسی حکمت‌الله میوندی نینگ سلام‌وطندارگه ایتیشیچه، برق بهاسی نینگ آرتدیریش ریجه‌سینی جریانی بار و تیزلیکده عمل گه آشیریلیشی ممکن. میوند نینگ ایتیشیچه، افغانستان ده دالر بهاسی یوقاری کیتیشی، برق بهاسی آرتدیریلیشی گه باعث بولگن.
اونینگ ایتیشیچه، افغانستان ییلده ایران، تاجیکستان و اوزبیکستان دن ۲۲۰ دن ۲۶۰ میلیون دالر گه قدر برق ساتیب آله‌دی.
برشنا سوزلاوچیسی گه کوره، برق بلی گه اوزگریش کیلمه‌گن صورتده، برشنا شرکتی اقتصادی قیینچیلیکلر بیلن یوزمه‌یوز بولیب و وارداتی برق نینگ کیسیلیشی ممکن.
برشنا شرکتی، برق بلی نینگ بهاسی کوپه‌ییشیدن خبر بیرگن بیرحالده، کابل یشاوچیلری نینگ بیر قنچه‌سی برشنا شرکتی نینگ بو قراری، اهالی حقی گه عدالت سیزلیک و جفا دیب بیله‌دیلر.
اولرنینگ ایتیش‌لریچه، حاضر عادی اهالی نینگ بوندن کوپراق پول تولش‌گه کوچلری ییتمه‌یدی.
«بو کونلر، برشنا شرکتی دن برق بلی نینگ بهاسی یوقاری کیتیشی حقیده ایشیتگن خبرلری‌میز عادی اهالی نی خواطرلنتیرگن. بونده‌ی بیر ریجه عمل گه آشیریلیشی اهالی نینگ اوستیده نه فقط باسیم کیلتیره‌دی، بلکیم خواطرلری نینگ هم کوپه‌یشی گه سبب بوله‌دی و اهالی جدی تنقید قیلیش‌لری ممکن.»
بیزلرنینگ فیسبوک صحیفه‌میزگه باش اورینگ!
«برشنا شرکتی نینگ ینگی ریجه‌سیده که اونده برق بلی نینگ بهاسی آرتدیریلیشی ایتیلگن دیر، ناعادلانه بیر ریجه و اهالی نی قتیق قیینچیلیکلر بیلن یوزمه‌یوز قیله‌دی. برشنا شرکتی بیر نهاد اوله‌راق باشقه بیر ریجه تاپیشی کیره‌ک.»
برشنا ریاستی بونده‌ی بیر قرار آلگن بیرحالده، شونینگدیک مذکور شرکت نیچه کون آلدین بیر رویخط نشر قیلگن ایدی که بو رویخط اساسیده، سابق دولت نینگ اکثر رسمی‌لری، اولوسی جرگه ده خلق نماینده‌لری، و بیر قنچه جهادی قوماندان‌لر و محلی زوروان‌لر میلیون‌لرچه افغانی برشنا شرکتی دن قرضدار دیر.
