سرپل ده مملکت ملی سوداگرلریدن بیری نینگ مالی حمایتی بیلن، ۱۰۰ ییگیت نینگ توپلم توی مراسمی اوتکزیلگن.
مذکور توپلم توی مراسمی، اوتگن کون (جمعه، ۱۹-عقرب)، سرپل نینگ استادیوم‌لریدن بیریده اوتکزیلگن.
بیزلرنینگ «ایکس» ترماغی ده هم تعقیب قیلینگ!
سرپل ده ۱۰۰ ییگیت نینگ توپلم توی مراسمی خره‌جتی، ملی سوداگرلردن بیری محمد‌اکبر سلطان‌زاده تامانیدن یره‌تیلگن.
اوشبو مراسم‌ده هر بیر زوج گه آلتی متره بیر تخته قالین، توی کییمی و ۲۰ مینگ افغانی نقد پول ترقه‌تیلگن.
مذکور مراسم‌ده محلی و خوفسیزلیک مسئوللر، قوم بویوک‌لری، دین عالم‌لری، کیلین و کویاو نینگ یقین یقین‌داشلری و یوزلب سرپل یشاوچیسی اشتراک قیلگن.
سرپل حاکمی اورین‌باسری محمدنادر حقجو، باشقه سوداگرلر و سرمایه یاتقیزووچیلردن، توپلم شکلده توی مراسملری نینگ یولگه قوییلیش فرهنگی رواجلنیشی و حمایت بولینیشی اوچون سعی و حرکت قیلیشلری نی ایسته‌گن.
بیزلرنینگ فیسبوک صحیفه‌میزگه باش اورینگ!
باشقه بیر تامان‌دن، سرپل قوم بویوک‌لریدن بیری حمید‌الله نینگ ایتیشیچه، بو کبی مراسم‌لر نینگ یولگه قوییلیشی بیلن، توی مراسم‌لریده بوله‌دیگن کوپینچه صرف-خره‌جت آلدینی آلینیب و توی خره‌جتلری نی توللش گه کوچی ییتیشمه‌گن ییگیت‌لر گه یاردم بیریش خصوصیده فایده‌لی دیر.
شونده‌ی بیرحالده، قشاق‌لیک سبب نیچه ییل‌دن بیری نامزد قالگن ییگیت‌لردن قطاری نینگ ایتیشلریچه، توپلم شکلده توی مراسملری نینگ یولگه قوییش، اولر گه کوپینچه یاردم بیره‌دی و اولر گه کوره، بو ایش نینگ بیر فرهنگ گه اوزگریشی کیره‌ک.
