پاکستان دن ناقانونی مهاجرلر نینگ چیقریلیشی اوچون اوشبو مملکت حکومتی تامانیدن تعیین‌لنگن مدت نینگ یکونلنیشی بیلن، مهاجرلر وزیرلیگی مسئوللری پاکستان دن افغانستانلیک مهاجرلر نینگ قیتیشی کوپهیگنیدن خبر بیریب و ایتیشلریچه، یالغیز سونگی بیر کونده بیر مینگ ۸۸۸ عایله تورخم و اسپین‌بولدک قتناو یول‌لریدن مملکت گه قیتگنلر.
مهاجرلر وزیرلیگی نینگ مسلکی معینی عبدالرحمان راشد نینگ سلام‌وطندار گه ایتیشیچه، اولر پاکستان دن قیتگن مهاجرلر گه، ننگرهار ولایتی لعل‌پور تومنی و قندهار ولایتی تخته‌پل تومنی‌ده وقتینچه‌لیک ایکی کمپ ایجاد قیلگنلر.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «۷۸۸۱ کیشی بولگن ۱۳۵۸ عایله، تورخم بندری و ۳۵۲۷ کیشی بولگن ۵۳۰ عایله اسپین‌بولدک یولیدن قیتگنلر. پاکستان دن قیته‌دیگن مهاجرلردن قطاری، ولایت‌لری گه کیته‌دیلر و بیر قطاری ایسه ولایت‌لریده اوی-جایلری یوق‌لیگی سبب، بیر مدت‌گچه کمپ‌لرده قاله‌دیلر. ننگرهار کمپی ۵۰۰ عایله و قندهار کمپی ایسه ۱۰۰۰ عایله ظرفیتی گه ایگه دیر.»
شونینگدیک مهاجرلر وزیرلیگی نینگ مسلکی معینی گه کوره، ایجاد ایتیلگن کمپ‌لرده، مهاجرلر گه ییترلی امکانیت یره‌تیلگن دیر. عین حالده، اوتگن کونلر پاکستان دن قیتیب و ننگرهار ده ایجاد ایتیلگن کمپ‌ده جابه‌جا بولگن مهاجرلردن قطاری، اوشبو کمپ‌ده ییترلی امکانیت بولمه‌گنی‌دن شکایت قیله‌دیلر.
اوچ کوندن بیری عایله‌سی بیلن کمپ‌ده حیات کیچیره‌دیگن صفی‌الله نینگ ایتیشیچه: «کمپ‌ده حیات کیچیریش قیین دیر. سوو یوق و نان هم وقتی‌ده ییتیشمه‌یدی، یانیمیزده باله‌لر هم بار. ۱۳ کیشی بیر ییرده حیات کیچیره‌میز. بو ییردن انتقال بیریلیشی‌میز نی کوتیب تورگن‌میز.»
شونینگدیک محمد‌زمان نینگ ایتیشیچه: «کوپینچه قیین‌چیلیگی‌میز بار. سوو و نان قیین‌چیلیگی‌میز بار، شونینگدیک بو ییرده هیچ نرسه یوق. او ییرده ایشی‌میز بار ایدی، قیتگنی‌میز اوچون حاضر هیچ نرسه‌میز یوق، بیلمه‌یمن نیمه قیله‌یلیک؟»
بیراق مهاجرلردن قطاری پاکستان پولیسی تامانیدن افغانستانلیک مهاجرلر نینگ اذیت بولینیشی‌دن شکایت قیلیب و ایتیشلریچه، اولر مذکور مملکت پولیشی آرقه‌لی یامان بیر وضعیت‌ده تهدید بیلن، پاکستان دن چیقریلگنلر.
پاکستان نینگ کویته شهریده ۲۲ ییل حیات کیچیریب و دوشنبه کونی ۸-عقرب تورخم یولیدن مملکت گه قیتگن شرف‌الدین نینگ ایتیشیچه: «پاکستان ده حیات کیچیریش گه قویمه‌یدیلر. ایکی مرته چیقینگ، عکسینچه حالده اوی‌لرینگیز نی ویران قیلیب و حبس گه تشله‌میز دیدیلر. تورت کیشی‌لیک بیر عایله‌میز، پاکستان ده پولی‌میز نی آلدیلر، حاضر نیمه قیله‌یلیک، بیلمه‌یمن.»
شونینگدیک پاکستان نینگ کراچی شهریده ۱۶ ییل حیات کیچیرگن افغانستانلیک یشاوچیلردن نور نینگ ایتیشیچه: «او ییرده بیزلر بیلن ظلم بوله‌ر ایدی. کمپ‌ده بیر کیشی قالدیک و او ییرده امکانیت‌لر یخشی ایدی. حکومت و یاردم بیرووچی نهاد‌لردن بیزلر گه دایمی باش پنه بیریلیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
انسان حقوقی کوزه‌تووچیسی بیر اعلامیه ترقه‌تیش بیلن پاکستان دن افغانستانلیک مهاجرلر نینگ چیقریلیشی خصوصیده تنقید‌لب و پاکستان تهدید و قولگه آلیش بیلن اوشبو مملکت‌دن افغانستانلیک مهاجرلر نینگ چیقره‌دی دیگنی بیرحالده، پاکستان دن قیتگن مهاجرلر مذکور مملکت پولیسی آرقه‌لی ظلم و اذیت بولگنی‌دن شکایت قیله‌دیلر.
اسلام آباد کمیده اوتگن بیر آی جریانیده ۲۰۰ مینگ‌دن آرتیق افغانستانلیک مهاجر داوطلبانه شکلده اوشبو مملکت نینگ ترک قیلگنلری نی اعلام قیلگنی بیرحالده، مهاجرلر وزیرلیگی مملکت گه مهاجرلر نینگ قیتیشی کوپهیگنیدن خبر بیرگن.
