طبیعی آفت‌لرنی باشقریش ایشلری بوییچه دولت وزیرلیگی مسئوللری، یاردم بیرووچی نهادلر دن هرات ولایتی زندهجان تومنیده زلزله طفیلی دیوارلر آستیده قالگنلرنی چیقریش اوچون تیزلیک بیلن یاردم کورسه‌تیش‌لرینی طلب قیلگنلر.
طبیعی حادثه‌لرنی باشقریش ایشلری بوییچه دولت وزیرلیگی سوزلاوچیسی محمدعبدالله جان نینگ سلام‌وطندار گه ایتیشیچه، زندهجان تومنی نینگ ییتتی تومنی بولیب و ییتتی تومنیده‌گی یشش اوی‌لر بوتونلی بوزیلگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه، هر بیر قیشلاق نینگ بیر مینگ نفوسی بار، اولردن یالغیز ۱۰۰ کیشی قوتقریلگن و قالگنی دیوارلر آستیده قالگن.
اونگه کوره: «یاردم بیرووچی نهادلردن بیرقطاری یاردم کورسه‌تیش اوچون ییتیب کیلگنلر و باشقه نهادلر هم زلزله باعث دیوارلر آستیده قالگنلرنی قوتقریش اوچون یاردم بیریش گه کیلیش‌لرینی ایسته‌یمیز و تلفات رقمی آشماقده.»
طبیعی آفت‌لر ایشلری بوییچه دولت وزیرلیگی سوزلاوچیسی نینگ ایتیشیچه، فراه و بادغیس ولایت‌لریده یشش اوی‌لردن بعضی‌لری بوتونلی بوزیلگن و مذکور ولایت‌لر نینگ تلفاتی حقیده معلومات بیریلمه‌گن.
اونگه کوره، برچه ولایت‌لر نینگ طبیعی آفت‌لر باشلیغ‌لری گه، امکانیت‌لری گه بناً، زیان کورگنلر گه یاردم بیریش بویروغی بیریلگن.
بیزلرنینگ «ایکس» ترماغی ده هم تعقیب قیلینگ!
برچه‌سی بیلن، امریکا نینگ زلزله نی انیقلش اداره‌سی گه کوره، هرات زندهجان تومنیده ۵.۵ و ۴.۷ درجه ریشترلیک ایکینچی و اوچینچی زلزله یوز بیرگن. مذکور اداره نینگ ایتیشیچه، تورتینچی زلزله بوگون توش دن آلدین ساعت ۱۱:۴۲ ده، ییر نینگ ۱۰ کیلومتر چقورلیگیده یوز بیرگن.
شونینگدیک، بوگون ایران ییتکیرمه‌لری اوشبو مملکت نینگ مشهد ولایتیده زلزله یوز بیرگنیدن خبر بیرگنلر.
معلومات‌لر گه بناً، مذکور زلزله تورکمنستان و اوزبیکستان نینگ ایریم قسم‌لریده حس ایتیلگن.
