افغان قیزیل آی جمعیتی، افغانستان شرقی ولایتلریده زلزلهدن جبرلنگنلرگه یاردم بیریش مقصد، سویسنینگ ۲۰ تُن انسانسیورلیک یاردم یوبارگنینی معلوم قیلگن.
مذکور نهادنینگ بوگون (۱۸-سنبله، سهشنبه)، بیر بیانیه آرقهلی یازیشیچه، اوشبو یاردملر کابل خلقارا هوا قونالغهسیده افغان قیزیل آی جمعیتیگه تاپشیریلگن.
ایتیلیشچه، مذکور یاردملر ۳۱۰ ته چادر و ۳۰۰ پاکت قیش کییمیدن عبارت بولیب، کنر ولایتیده زلزلهدن جبرلنگن عایلهلرگه ترقهتیلیشی ممکن.
بیرلشگن ملتلر تشکیلاتی ادارهلرینینگ اعلام قیلیشیچه، افغانستان شرقیدهگی زلزلهدن جبرلنگنلرگه یاردم بیریش اوچون بودجه کملیگی بیلن روپهرهلر.
توقیزینچی سنبله، یکشنبه کیچه، افغانستان شرقیده اولیملی زلزله یوز بیرگن و سونگی رقملر اساسیده، کمیده ایکی مینگ ۲۰۵ کیشی اولیب و مینگلب کیشی یرهلنگن.
