قندوز امنیه قوماندانلیگی سوزلاوچیسی جمعهالدین خاکسارنینگ ایتیشیچه، بوگون ایرتهلب (۱۶-عقرب، جمعه)، ساعت ۷:۳۰ اطرافیده، قندوز شهرینینگ سکیزینچی خوفسیزلیک حوزه حدودلریده جایلشگن «شهرک سر دوره» منطقهسیده، پارتلش یوز بیرگن.
اونینگ کوپهیتیریشیچه، پارتلش یوز بیرگنیدن سونگ سکیزینچی خوفسیزلیک حوزهسینینگ پولیس کوچلری واقعه محلیگه ییتیشگنلر.
دستلبکی معلومات اساسیده، هجومچی مقصد گه ییتمسدن آلدین پارتلاوچی ماده پارتلشی طفیلی اوزی هلاک بولگن.
خاکسار گه کوره، دستلبکی تدقیقات گه کوره، بو کیشینینگ «شوم نقشهسی» بولیب؛ بیراق مادهلرنینگ بیردن پارتلشی طفیلی، نقشهنی عملگه آشیرمسدن آلدین هلاک بولگن.
قندوز امنیه قوماندانلیگی مسئوللرینینگ ایتیشلریچه، خوفسیزلیک کوچلرینینگ بو توغریده تدقیقاتی دوام قیلماقده.
