مملکت نینگ ساووق حدودلریده دولت بیلیم یورت‌لری نینگ درس‌لری باشله‌نیشیدن بیر کوندن کیین، قطار طلبه‌لر اوشبو بیلیم یورت‌لرده مسلکی استادلر آزلیگیدن خواطر بیلدیریب ایتیشلریچه، بیرقطار اوقیتووچی علمی کدرلر جای‌نی تولدیریش مقصدیده قراردادی شکلده عالی تحصیلات‌ده استخدام بولگن‌لر. اولر گه کوره، ینگی استادلر سابق استادلر گه نسبتن، کمراق تجربه و معلومات گه ایگه دیر.
سلام وطندار بیلن صحبت اوتگزگن مذکور طلبه‌لردن بیری بونده‌ی دیدی: «سابق استادلر مملکت‌نی ترک قیلیشدی و حاضر ینگی اوقیتووچیلر استخدام بولگن، قراردادی استادلر. چونکه بوندن آلدین استادلریمیز ماستر و دکترا ایدیلر، حاضر لیسانس حجت لری بار. بیر استادی میز ینگی لیکده کیلگن و باشقه استادلریمیز ممکن لیسانس و ماستر بولسه‌لر، بیراق ینگی لیکده کیلگن استادیمیزنی لیسانس مدرکی بار و ماستر ایمس. طبیعی که فرق قیله‌دی؛ چونکه استادلریمیز تجربه‌لی ایدیلر و نیچه ییل‌دن بیری درس بیرر ایدیلر. اما یخشی بولیش‌لری گه امید بیلدیره‌من.»
بیزلرنینگ فیسبوک صحیفه‌میزگه باش اورینگ!
باشقه تاماندن، اوشبو طلبه‌لردن قطاری نینگ ایتیشلریچه، اسلامی امارت حاکمیت گه ایریشیشی، سونگی سیاسی اوزگریش‌لر و بیلیم یورت استادلریدن قطاری مملکت‌نی ترک ایتیش‌لری طفیلی، دولت بیلیم یورت‌لری مسکلی استاد تنقیص لیگیگه روپه‌رو بولگن. اولر گه کوره، بعضی مضمون لری گه استاد یوق شونی اوچون علاقه سیزلیک لری گه سبب بولگن. کابل بیلیم یورتی طلبه‌لریدن فرخنده محبی نینگ ایتیشیچه: «حاضر برچه طلبه‌لر و فاکولته‌لر ده کوپ قیینچیلیک‌لر پیدا بولگن. استادلر آز دیر. کابل بیلیم یورتیده اوزیمیز سبق اوقیمیز، حاضرگی کونده نیچه مضمونیمیزنی استادی یوق دیر.»
عین‌حالده، دولت بیلیم یورت‌لری ده‌گی برحال استادلر، اسلامی امارت عالی تحصیلات وزیرلیگی نینگ بویروغی اساسیده میدیالر بیلن سوزله‌شیش گه حقی یوق. بیراق اسلامی امارت حاکمیت گه ایریشگنیدن کیین مملکت‌نی ترک قیلگن اوقیتوچیلر نینگ ایتیشلریچه، علمی کدرلر تنقیص‌لیگی مملکت بویلب عالی تحصیلات وزیرلیگی نینگ دایمگی قیینچیلیک لریدن دیر.
اولر گه کوره، لیسانس لری بولگن‌لر، بیر بولیم نینگ متخصصی بوله آلمه‌یدی.
بیزلرنینگ توییترده هم تعقیب قیلینگ!
مملکت‌نی ترک قیلگن کابل بیلیم یورتی ژورنالیزم فاکولته‌سی استادلریدن بولمیش بیت‌الله حمیدی نینگ سلام وطندار گه ایتیشیچه، عالی تحصیلات‌ده علمی کدری بوله دیگن‌لر نینگ ماسترلیک حجتی بولیشی کیره‌ک. او نینگ کوپه‌یتیریشیچه: اسلامی امارت بوش‌لیکلرنی تولدیریش مقصدیده کدری بست‌لرنی اعلان گه بیریب و کوپراق قراردادی استاد استخدام قیلگن. استخدام بولگن‌لر هم لیسانس دیر؛ عین‌حالده، افغانستان عالی تحصیلات قانونی گه کوره، علمی کدر گه شامل بوله دیگن کیشینی هیچ بولمسه ماسترلیک حجتی بولیشی کیره‌ک.»
بو توغریده عالی تحصیلات وزیرلیگی نینگ سوزلاوچیسی احمد تقی نینگ فکر-ملاحظه‌سینی اورگه‌نیش نی ایسته‌دیک لیکن مؤفق بولمه‌دیک. ایتیش کیره‌ک که عالی تحصیلات‌ده علمی کدرلر آزلیگی خصوصیده خواطرلر باعث، مذکور وزیرلیک اوتگن آی، بیر بیانه آرقه‌لی عالی تحصیلات‌ده مسلکی علمی کدرلر جذب ایتیلیشیدن خبر بیرگن ایدی.