تخار ده بیر عیال، تیکووچیلیک بیر ایشخانهنی آچیش بیلن نیازمند، سرپرستسیز و تحصیلدن محروم بولگن خاتین-قیزلرگه کسب اورگهنیش زمینهسینی یرهتگن.
اوشبو ایشخانه مسئولی زهره آریننینگ ایتیشیچه، حیات قیینچیلیکلری بیلن روپهره بولگن عیاللرگه بو کسبنینگ اورگهنیش فرصتینی یرهته آلگنی اوچون خورسند دیر. بانو آرینگه کوره، تیکووچیلیکنی اورگهنیش اوشبو عیاللرگه بیر مهارتنی اورگهنیشلری یانیده مالی خودکفالیککه ییتیشیشلری توغریسیده هم یاردم بیرهدی. «باش کونلرده بیشدن ۴۰ ته ایش اورگنووچی عیال بار ایدی و حاضر ایسه اولر سانی ۵۰ گه ییتیشگن. ایشنی پسکوک، اوتو و قیچی قیلیش کبی صفردن باشلهدیک. حاضر ایسه اوشبو عیاللردن بیش تهسی ایشنی اورگنگن و ایشلری برابریده پول هم بیرهمن.»
بیزلرنینگ فیسبوک صحیفهمیزگه باش اورینگ!
زهره آریننینگ کوپهیتیریشیچه، اهالی تامانیدن کوپینچه بویورتمه قولگه کیلتیرهدی؛ بیراق اولرنینگ وقتیده تیارلش اوچون ییترلی امکانیتگه ایگه بولمهگنی سبب، بویورتمهلردن برچهسینی قبول قیله آلمهیدی.
بانو آریننینگ تیکووچیلیک ایشخانهسی، دستلبکی جهازلر بیلن ۵۰ خاتین-قیزگه اورگهنیش و عملی ایش زمینهسینی یرهتگن و بوندن آلدین ایشسیز بولگن عیاللر حاضر ایسه بو ییرده ایشلش بیلن عایلهلرینینگ کوندهلیک صرف-خرهجتلریدن بیر بولیمینی تامین قیله آلهدیلر.
اوشبو ایشخانهده ایشلهیدیگن و ایش اورگنووچیلرنینگ ایتیشلریچه، بو ییرده ایشلش اولرگه حیات کیچیریش توغریسیده ینگی بیر امیدنی یرهتگن.
تیکووچیلیک ایشخانهسیدهگی ایش اورگنووچیلردن مهسانینگ ایتیشیچه: «بو ایشخانهگه کیلگنیمدن بویان کوپ راضیمین، چونکه استادیمیز ایشنی یخشی بیر شکلده اورگتهدی. مکتبلر ایشیگی یاپیلگنی اوچون تیکووچیلیک ایشخانهسیگه کیلیب بیر کسب اورگنهمیز.»
ایش اورگنووچیلردن باشقه بیری نبیلا، ایشلریگه دوام بیره آلیشلری اوچون ایشخانهلریدن حمایت بولیشینی ایستهب و ایتیشیچه: «مذکور ایشخانهنینگ حمایت بولیشی کیرهک. حمایت بولگنی صورتده ایشلرنینگ دوام قیلیشی ممکن. ایشخانه یاپیلگنی صورتده، بیزلر نیمه قیلهیلیک دیب تشویش قیلهمیز.»
بیزلرنینگ «ایکس» ترماغی ده هم تعقیب قیلینگ!
تخار سودا و صناعت ریاستینینگ معلوماتی اساسیده، اوشبو ولایت مرکزی تالقان شهریده خاتین-قیزلر اوچون ۵۱ ته تیکووچیلیکنینگ فعالیتی بار.
تخار سودا و صناعت باشلیغی عبدالرحمان غزنوینینگ ایتیشیچه، کیلهجکده صناعتی پارکلرنی یرهتیش بیلن تدبیرکار و سوداگر عیاللرگه اَیری دکانلرنینگ ترقهتیلیشی ممکن. «عیاللر اوچون بولگن تیکووچیلیک بولیمیدهگی تدبیرکارلر و بو ییرگه کیلهدیگن موسسهلر بیلن همکارمیز و موسسهلرگه تانیشتیرهمیز و اولرنینگ رواجلنیشینی ایستهیمیز.»
گرچند زهره آرین، ایشینینگ کوچهیشی اوچون سعیوحرکتدن قول تارتمهیدی، بیراق ایشخانهسینینگ حاضرگی وضعیتیدن خواطر بیلدیریب و ایتیشیچه، حکومتی یا-ده خصوصی نهادلر تامانیدن حمایت بولمهگنی صورتده، ایشخانهسینینگ یاپیلیشی ممکن که حمایت بولگنیده ایسه، یوزلب عیال گه تیکووچیلیکنی اورگهتیش امکانیتینینگ یرهته آلهدی. «عیاللر یوزیگه بیر ایشیک آچیق بولگنیده، اوندن حمایت قیلیشلرینی ایستهیمیز که اوشه هم یاپیلمهسین. بیزلرنی قوللب-قوتلمهگنلری صورتده، ایشیمیز نی دوام بیره آلمهیمیز. باشقه هیچ قیینچیلیگیمیز یوق یالغیز حمایت قیلیشلرینی ایستهیمیز که باشقه یوز و ایکییوز خاتین-قیزگه بو کسبنی اورگته آلهیلیک که اولر کیلهجکده اویلریده ایشلب و درآمد قولگه کیلتیرسینلر.»
سونگی ییللر اینیقسه قیزلرنینگ تعلیم و تحصیلدن محروم بولگنیدن کیین، عیاللردن قطاری تورلی ولایتلرده قول صناعتی و تیکووچیلیک ایشخانهلرینی آچیش بیلن بیر کسبنی اورگهتیش و خاتین-قیزلرنینگ مالی مستقیللیککه ایریشیشلری توغریسیده یاردم بیریش اوچون سعیوحرکت قیلگنلر.
