افغانستان وضعیتی گه دایر دوحه اوچینچی ییغیلیشی اۉتکزیلیش عرفه‌سیده، بیرلشگن ملتلر تشکیلاتی سۉزلاوچیسی استفان دوجاریک ۳-سرطان، یک‌شنبه کونگی بیاناتیده بو تشکیلات اوشبو ییغیلیش ده اسلام امیرلیگینی دنیا بیلن همکارلیک قیلیش اوچون ترغیب قیلیش گه سعی-حرکت قیلیشینی بیلدیرگن.
سیاسی ایش بیلرمان‌لر گه کوره، بیرلشگن ملتلر تشکیلاتی و بو تشکیلات گه اعضا مملکتلر، دوحه اوچینچی ییغیلیشیده افغانستان نینگ انزوا دن چیقریش و قیته دن دنیا همجمعیت گه قوشیش اوچون، واحد بیر قرار گه کیلیشلری کېره‌ک.
بیزلرنینگ فیسبوک صحیفه‌میزگه باش اورینگ!
سیاسی ایش بیلرمان محمدباقر محسنی، افغانستانده‌گی قیینچیلیک‌لرنی حل اېتیش خصوصیده اوشبو تشکیلات نینگ ناکام‌لیک اصلی سببینی، افغانستان گه دایر مذکور تشکیلات گه اعضا مملکتلر نینگ واحد بیر فکرده بولمسلیگی بیله‌دی.
اونینگ ایشانچی گه کوره: «دنیا همجمعیت و اسلام امیرلیگی اوشبو ییغیلیش ده بیر نتیجه گه ایریشیش اوچون، اسلام امیرلیگی بیرینچیدن قدریت‌لری اساسیده و خلق منفعتی اوچون دنیا همجمعیت نینگ اېستک‌لریدن بعضی‌لرینی قبول قیلیشی کېره‌ک مثال اوچون انسان حقلری، خاتین قیزلر حقوقی، همه‌شمول حکومت.»
سیاسی ایش بیلرمان‌لردن باشقه بیری ضیا حسینی دوحه اوچینچی ییغیلیشی ده؛ هم بیرلشگن ملتلر تشکیلاتی و هم اسلام امیرلیگی قۉشمه نظرلر گه ایریشیش‌لری ممکن دیه ایشانه‌دی.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «اسلام امیرلیگی بشری مسله‌لر، اقتصادی یاردم‌لر بانکی خذمت اوچون دنیا بیلن علاقه قوریشی کېره‌ک و دنیا بشری قیینچیلیک‌لر و طبیعی حادثه‌لر حلی اوچون اسلام امیرلیگی بیلن همکارلیک قیلیش گه مجبور دیر؛ بو ییغیلیش ایکّی تامان اوچون اونیملی بولیشی ممکن.»
بیرلشگن ملتلر تشکیلاتی سۉزلاوچیسی استفان دوجاریک اوشبو بیاناتیده دوحه اوچینچی ییغیلیشی آجنداسی خصوصیده هېچ نرسه دیگن بولمسه ده، بیراق دوحه ییغیلیش‌لری «بیر باسقیچلی تدبیر اېمس بلکه جریان نینگ بیر قسمی دیر» و عیاللر همده افغانستان مدنی جماعه‌چیلیگی نینگ مسئله‌لری بو جریان نینگ بیر قسمی بولیشی ممکن.
بوتوغریده اسلام امیرلیگی نینگ فکر-ملاحظه‌سینی اورگه‌نیشنی اېسته‌دیک؛ لېکن اولگوره آلمه‌دیک.
بوندن آلدین اسلام امیرلیگی تشقی ایشلر وزیرلیگی، افغانستان نینگ خصوصی سکتوری، مالی و بانکی، بنگی‌وار ماده‌لر گه قرشی کوره‌ش مسئله‌لری دوحه اوچینچی ییغیلیشی آجنداسیده کېریتیلگنینی اېتگن اېدی.
افغانستان وضعیتی گه دایر دوحه اوچینچی ییغیلیشی قویاش اوشبو آی نینگ ۱۰ و ۱۱ کون‌لری، قطر پایتختی دوحه شهری ده یولگه قوییلیشی کوتیله‌دی.
