کابل ده چین ایلچی‌خانه شارژدافری دینگ ینان، پنج‌شنبه ۱۲_جوزا، تشقی ایشلر وزیرلیگی نینگ سیاسی معینی عباس استانکزی بیلن اوچره‌شیب و صحبت قیلگن.
تشقی ایشلر وزیرلیگی سوزلاوچیسی عبدالقهار بلخی توییتر صحیفه‌سیده یازگن که، اوشبو اوچره‌شووده افغانستان و چین آره‌سیده‌گی تاریخی رابطه‌لر، ایشی یَریم قالگن پروژه‌لر نی قیته باشلش و ایکی تامان‌لمه همکارلیک‌لر حقیده صحبت قیلیش‌لری ممکن.
بیزلرنینگ فیسبوک صحیفه‌میزگه باش اورینگ!
بلخی گه کوره، عباس استانکزی کابل ده چین ایلچی‌خانه شارژدافری آرقه‌لی مذکور مملکت‌دن نورستان ولایتی‌ده‌گی اورمان‌لر یانغینی نی اوچیریش اوچون عاجل یاردم سوره‌گن.
چین ایلچی‌خانه شارژدافری تشقی ایشلر وزیرلیگی سوزلاوچیسی نینگ ایسته‌گی خصوصیده ایجابی جواب بیرگن که، مذکور ایسته‌ک نی «تیزلیککه» دولتی بیلن جریان گه قوییب و دستلبکی تیکشیریش‌لردن کیین، کیره‌کلی اقدام‌لر نینگ انجام بیریلیشی ممکن.
باشقه بیرتامان‌دن، کابل ده چین ایلچی‌خانه شارژدافری ایتگن که، مملکتی افغانستان ده پروژه‌لر نی یولگه قوییش و بو یول آرقه‌لی افغانستان نی کوچلنتیریش اوچون تیار دیر.
بیزلرنینگ توییترده هم تعقیب قیلینگ!
شونده‌ی بیرحالده، نیچه کوندن بویان نورستان ولایتی نینگ نورگرام تومنی اورمان‌لری اوت آلگن و ایتیلیشچه، حاضرگچه یانغین اُوچمه‌گن دیر.
