سلام‌وطندار، افغانستانلیکلرارا سوزلشوولر و شونینگدیک ملی مصالحه عالی کینگشی نینگ تشکیلی حقیده، ملی مصالحه کینگش سوزلاوچی‌لریدن معلومات آلیش اوچون کوپینچه سعی و حرکت قیلدی، بیراق اولر بو حقده جواب بیریش گه حاضر بولمه‌گن.
اوتگن کون دوحه ده افغانستانلیکلرارا سوزلشوولرنینگ مقدمه‌سی نهایی بولدی و ایتیلیشیچه، افغانستانلیکلرارا سوزلشوولر تیزلیککه باشله‌نیشی ممکن. بیراق ملی مصالحه عالی کینگش تشکیلاتی تکمیل بولگنیدن حاضرگچه هیچ بیر خبر یوق.
سلام‌وطندار بو موضوع حقیده مذکور کینگش سوزلاوچی‌لری نینگ فکرینی اورگه‌نیش ایسته‌دی؛ بیراق کوپینچه سعی و حرکت بیلن موفق بولمه‌دی.
فریدون خوزون ملی مصالحه عالی کینگش سوزلاوچیسی، حشمت رادفر مذکور تشکیلات رسانه مسئولی و مجیب‌الرحمان رحیمی بو نهاد نینگ سیاسی مصلحتچیسی دیر؛ بیراق اولردن هیچ بیری جواب بیریش گه حاضر بولمه‌گن.
افغانستان ایرکین میدیالریدن حمایت قیلووچی نهاد یا-ده «نی» باشلیغی مجیب خلوتگر نینگ ایتیشیچه، ملی مصالحه عالی کینگشی نینگ بو ایشی اساسی قانون گه قرشی دیر.
جناب خلوتگر گه کوره، معلومات گه قول تاپیش هر بیر یشاوچی نینگ حقی دیر و رسانه‌لرگه معلومات بیریش گه حاضر بولمه‌گن هر نهاد یا شخص، معلومات گه قول تاپیش قانونی گه قرشی عمل قیله‌دی.
حقوق‌دانلر بیرلشمه اورین باسری سبحان مصباح نینگ ایتیشیچه، تینچلیک پروسه‌سی جدی باسقیچ گه قرار تاپگن بیرحالده، مصالحه عالی کینگشی تشکیلی خصوصیده‌گی جنجللر، تینچلیک برابریده قیینچلیک یره‌تیشی ممکن.
جناب مصباح نینگ ایتیشیچه، ملی مصالحه عالی کینگش باشلیغی قدرت گه سهم آلیش و تشقی اولکه‌لرگه سفر قیلیش اوچون فکر قیله‌دی.
ایتیلیشیچه، ملی مصالحه عالی کینگش رهبرلیک اعضاسی نینگ ۴۵ کیشی‌لیک جمعی ده ینگی‌لیکده باشقه ایکی کیشی نینگ آتی کیریتیلگن. مذکور کینگش اعضالری کیله‌جک هفته جمهورلیک ریاستی ده تانیشتیریلیشی ممکن.
