بامیان‌ده‌گی محلی منبع‌لر کیم‌لیکلری سِر قالیش شرطی بیلن سلام‌وطندار گه ایتیشلریچه، اسلامی امارت استخبارات کوچلری اوشبو هفته شنبه کوندن بویان ۱۱ عیال‌نی «اسلامی امارت تیزیمیدن» حمایت ایتیش برنامه‌نی برهم اوریش عیبی بیلن قولگه آلیب و تیرگاو قیلماقده‌لر. مذکور منبع‌لر نینگ ایتیشلریچه، حبس‌گه آلینگن عیاللر نینگ تقدیری حاضرگچه نامعلوم دیر.
منبع‌لر نینگ کوپه‌یتیریشیچه، بیرقطار قیزلر، بامیان نینگ استادیومی‌ده اسلامی امارت‌دن آرقه‌داشلیک بیلدیریش مقصدیده عیاللر تامانیدن اوتکزیلگن همایش یکونیده، آلتینچی صنف‌دن یوقاری قیزلرنینگ مکتب‌لری آچیلمسلیگیگه دایر اعتراض و «قیزلر یوزی گه مکتب‌لرنی آچینگلر» و «قیزلر نینگ تعلیمی گه توسیق بولگن تیزیم‌دن حمایت ایتمه‌یمیز» شعارلری بیلن، برنامه بنرلرینی ییرتدیلر.
بیزلرنینگ توییترده هم تعقیب قیلینگ!
بیراق بامیان معلومات و مدنیت باشلیغی سیف‌الرحمان محمدی نینگ سلام‌وطندار گه ایتیشیچه، اوتگن جمعه اسلامی امارت‌دن آرقه‌داشلیک بیلدیریش مقصدیده اوتکزیلگن برنامه یکونیده بنرلرنی ییرتگن عیاللر، اسلامی امارت کوچلری تامانیدن قولگه آلینمه‌گن؛ بلکه اولر «افهام و تفهیم» و بنرلرنی نیمه دلیل‌گه ییرتیش‌لری حقیده ایضاح کیریتیش اوچون استخبارات اداره‌سی گه چقیریلگن ایدیلر و حاضر آزادایتیلیشگن.
بامیان معلومات و مدنیت باشلیغی، اوشبو ولایت نینگ استخبارات اداره‌سیده افهام و تفهیم اوچون نیچه عیال چقیرتیریلگنی باره‌سیده معلومات بیرمه‌گن.
بیزلرنینگ فیسبوک صحیفه‌میزگه باش اورینگ!
منبع‌لر نینگ ایتیشلریچه، بامیان‌ده سابق حکومت نینگ ملی امنیت ایکی ایشلاوچیسی، اسلامی امارت استخبارات کوچلری تامانیدن توتقینله‌نیب کلتکلنگن. لیکن بامیان محلی مسئول‌لری، مذکور ایکی ایشلاوچی نینگ قولگه آلینیشی باره‌سیده هیچ نرسه دیمه‌گنلر.
