انرژی خذمتلرینی تنظیم قیله‌دیگن اداره مسئوللری نینگ ایتیش‌لریچه، بدخشان نینگ شورابک برق بندی نی ایشی یکونلنگن و تیزلیککه فایده‌لنیش گه تاپشیریلیشی گه قرار قیلینگن. اولرگه کوره، مذکور بند آچیلگنیدن کیین بدخشان ده ۱۵ مینگ دن آرتیق عایله برققه ایگه بولیشی ممکن.
انرژی خذمتلرینی تنظیم قیله‌دیگن اداره سوزلاوچیسی احمدسیر نیکزاد سلام‌وطندار بیلن صحبت اوتکزیب ایتیشیچه، کمیده ۶ ییل دن کیین بدخشان نینگ شورابک برق بندی نی قوریلیش ایشی یکونلنگن. جناب نیکزاد گه کوره، شورابک بندی نینگ قوریلیشی ۴۵ میلیون یورو خره‌جت کوتارگن کیم بو فیکا ترک شرکتی آرقه‌لی عمل گه آشیریلگن. انرژی خذمتلرینی تنظیم قیله‌دیگن اداره سوزلاوچیسی نینگ کوپه‌یتیریشیچه، مذکور بند قوریلیشی نینگ خره‌جتی آلمان مملکتی تامانیدن توللنگن.
انرژی خذمتلرینی تنظیم قیله‌دیگن اداره سوزلاوچیسی نینگ ایتیشیچه، شورابک بندی تیزلیککه جمهوررئیس غنی آرقه‌لی آچیلیشی گه قرار قیلینگن. اونگه کوره، مذکور بند اوچون اوچ توربین نظرگه آلینگن کیم مذکور اوچون توربین ۷ میگاوات دن آرتیق برق ایشلب چیقاریشی ممکن.
ایتیش کیره‌ک کیم بوندن آلدین تورلی دلیللر جمله‌دن ناتینچلیک باعث بو بند قوریلیش ایشی نیچه مرته توخته‌تیلگن ایدی.