کابل امنیه قوماندانلیگی مسئوللری، چهارشنبه کونی ۲۴-عقرب، خبری بیر ییغینده اوشبو نهاد نینگ سونگی آلتی آیده ایریشگن یوتوق‌لرینی اهالی گه شریک قیلگن.
مذکور ییغینده کابل امنیه قوماندانلیگی سوزلاوچیسی خالد زدران نینگ ایتیشیچه، کابل جنایی جرم‌لر ریاستی سونگی آلتی آیده، کابل شهری‌ده ۲۰۰۰دن آرتیق جنایی واقعه نی ثبت قیلیب و اوشبو واقعه گه تیگیشلی ۲۱۳۶ کیشی نینگ قولگه آلگن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «قولگه آلینگن کیشی‌لر یانیدن، ۹۴ته موتر، آلتی ته موترسایکل، ۶۶ میل تفنگچه، ۱۱ میل کلاشینکف، ایکی میلیون ۶۴۴ مینگ افغانی، ۷۸۰۰ دالر، ۱۲۰ سیت موبایل و بیر میلیون ۶۰۰ مینگ افغانی و ۸۰۰ مینگ دالر ارزشی گه آلتین قولگه کیلگن.»
کابل امنیه قوماندانلیگی سوزلاوچیسی نینگ اورغولشیچه، شونینگدیک کابل نینگ مخدره ماده گه قرشی کوره‌ش مدیریتی، اوتگن آلتی آیده پایتخت نینگ تورلی بولیم‌لریده ۵۴۵ عملیات نی یولگه قوییگن که نتیجه‌ده، ۶۰۰دن آرتیق کیشی قولگه آلینگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «اوشبو عملیاتلر نتیجه‌سیده، ۴.۶۲۴ کیلوگرام هروئین، ۱۰۲ کیلوگرام‌دن آرتیق شیشه، ۴۶۰ گرام کرستال و ۱۶ مینگ ۸۳۱ قرص تابلیت K و باشقه بیر قطار مخدره ماده قولگه کیلگن دیر.»
کابل امنیه قوماندانلیگی نینگ معلوماتی اساسیده، کابل نینگ جنایی جرم‌لر گه قرشی کوره‌ش مدیریتی، بو مدت‌ده نیچه کشفی عملیات نی یولگه قوییب و نتیجه‌ده، ۴۳ کیشی نی قولگه آلیب و عدلی و قضایی نهاد‌لر گه تانیشتیرگن.
