ساغلیق‌نی سقلش وزیرلیگی مسوول‌لری نینگ ایتیش‌لریچه، حاضرگه‌قدر مملکت ۳۴ ولایتیده ساغلیک ایشلاوچی‌لری، میدیا ایشلاوچی‌لری، اوقیتووچی‌لر، دولت ایشلاوچی‌لری، محبوس‌لر و قوشنی مملکت‌لردن قیتیب کیلگن‌لر شامل ۱۱۹ مینگ و ۸۴۰ کیشی کرونا ویروسی‌گه قرشی ایم‌لنگن.
ساغلیق‌نی سقلش وزیرلیگی مسوول‌لریگه کوره، حاضرگه‌قدر مملکت بوییچه ساغلیک ایشلاوچی‌لردن ۷۳ مینگ و ۱۱ ته‌سی واکسین قیلینگن.
مسوول‌لرنینگ ایتیش‌لریچه، مملکت ۳۳ ولایتیده ۲۲ مینگ و ۸۹۵ اوقیتووچی کرونا ویروسی‌گه قرشی ایم‌لنگن.
اوشبو وزارت رسمی‌لریگه کوره، حاضرگه‌قدر نورستان ولایتیده ساغلیک ایشلاوچی‌لردن ۳۸۵ ته‌سی واکسین قیلینگن، لیکن اوشبو ولایتده، اوقیتووچی‌لر، میدیا ایشلاوچی‌لری، دولت ایشلاوچی‌لری، محبوس‌لر و قوشنی مملکت‌لردن قیتیب کیلگن‌لردن هیچ‌بیری کرونا ویروسی‌گه قرشی ایم‌لنگن ایمس.
افغانستانده کرونا ویروسی‌گه قرشی ایم‌لش دستوری کمیده ۱ یریم آی آلدین مملکت جمهور رییسی محمداشرف غنی حضوری بیلن کابلده رسمی شکلده باشلندی.
عین‌حالده، ساغلیق‌نی سقلش وزیرلیگی تامانیدن بیریلگن آمارلرگه کوره، مملکتده کرونا ویروسی چیقگنیدن حاضرگه‌قدر ۵۷ مینگ و ۱۴۴ کیشی بو ویروس‌گه چلینگن و بو جمله‌دن ۲ مینگ و ۵۲۱ ته‌سی دنیا دن اوتیب و باشقه ۵۱ مینگ و ۹۶۳ ته‌سی درمان‌لنگن دیر.
