خصوصی کسلخانه‌لر و لابراتوارلر مسوول‌لری نینگ کرونا ویروسی سیناودن اوتکزیلیشی‌نی ناقانونی شکلده انحصار ایتیلگنیدن تنقید قیلیب ایتیش‌لریچه، ملکی هوایی خذمت‌لر اداره‌سی مملکت هوا قونالغه‌لریده مسافرلرنی آزمایش قیلش اوچون یالغیز سیتی لابراتوار‌گه رخصت بیره‌دی.
واهاج خصوصی کسلخانه‌سی مسوولی هاشم وهاج نینگ کابلده اوتکزیلگن خبری ییغینده ایتیشیچه، سیتی لابراتوار جمهورلیک ریاستی مصلحتچی‌سی رضوان‌الله احمدزی گه تیگیشلی دیر و انه‌شو سبب، کرونا ویروسی‌نی تشخیص قیلیش اوچون بو لابراتوار انتخاب ایتیلگن.
بیراق، ملکی هوایی خذمت‌لر اداره‌سی سوزلاوچیسی محمدنعیم صالحی نینگ سلام‌وطندارگه ایتیشیچه، سیتی لابراتور یالغیز عرب بیرلشمه اماراتی مسافرلرینی سیناودن اوتکزه‌دی، باشقه یول‌لرنینگ مسافرلرینی تست قیلیش باشقه لابراتورلرگه صورت تاپه‌دی.
بیراق، سیتی لابراتوار مسولی رضوان‌الله احمدزی نینگ اوشبو ادعالرنی رد قیلیب ایتیشیچه، سیتی لابراتوار نینگ کرونا ویروسی‌نی تشخیص قیلیش اوچون کفیتی یوقاری بولگنی سبب، هوا قونالغه‌لریده ساغلیک خذمت ارایه قیلیش اوچون انتخاب بولگن.
عین‌حالده، ساغلیق‌نی سقلش وزیرلیگی سرپرستی وحید مجروح نینگ اوشبو ییغینده ایتیشیچه، خصوصی کسلخانه‌لر و لابراتوارلر مسوول‌لری نینگ ادعالرینی جدی شکلده تیکشیریله‌دی.
