ملی خوفسیزلیک ریاستی مسوول‌لری نینگ ایتیش‌لریچه، اوشبو اداره رسمی‌لری داعش اعضالریدن ۴۰۸ ته‌سی قولگه آلگن‌لر و قولگه آلینگن کیشی‌لر دنیا ۱۴ مملکتی یشاوچی‌لریدن دیر.
بوگون “سه‌شنبه” ملی خوفسیزلیک ریاستی نینگ عمومی رئیسی احمدضیا سراج نینگ کابلده خبری بیر ییغین اوتکزیب ایتیشیچه، داعش گروهی نینگ ۴۰۸ عضوی اوشبو اداره کوچلری تامانیدن قولگه آلینگن و اولردن ۶۰% پاکستان‌لیک دیر.
ملی خوفسیزلیک ریاستی نینگ عمومی رئیسی، حاضرده هم داعش‌نی افغانستان‌گه قرشی تهدید عنوان قیلیب ایتیشیچه، داعش گروهی کیچیک شهری گروه‌لر چوکاتیده فعالیت قیله‌دی، لیکن بو گروه مدیریتی اوچون منطقه مملکت‌لری یاردم بیرگن صورتده، قیته دن کوچلی بولیشی ممکن.
ملی خوفسیزلیک عمومی ریاستی تامانیدن بیریلگن معلومات‌لرگه کوره، عیال‌لر و باله‌لر قولگه آلینگن‌لر جمله‌سیدن و شونینگدیک، بو گروه گه تیگیشلی ۱۷۳ باله ملی خوفسیزلیک ریاستی اختیاری‌گه دیر. پاکستان، تاجیکستان، قرغزستان، روسیه، چین، ترکیه، اردن، ایران، اندونیزیا، الجزایر، هند، بنگله‌دیش و مالدیف یشاوچی‌لری قولگه آلینگن‌لر جمله‌سیدن دیر.
