تورکیه دن افغانستان‌لیک مهاجرلرنی چیقریش جریانی دوام ایتر ایکن، مذکور مملکت میدیالری اوشبو هفته نینگ دستلبکی ایکینچی کونیده، تورکیه گه ناقانونی روشده بارگن افغانستان‌لیک ۳۶۵ مهاجر چیقریلگنیدن خبر بیرگنلر.
باشقه تاماندن، تورکیه دن چیقریلگن قطار مهاجرلر نینگ ایتیشلریچه، تورکیه کوچلری اولرنی حبس گه آلیش چاغیده کلتکلب و کیین ایسه زوردن افغانستان گه قیترگنلر.
تورکیه دن چیقریلیب کابل گه انتقال بیریلگن مهاجرلردن سجاد گه کوره، تورکیه گه باریش اوچون برچه سرمایه‌سینی صرفله‌گن و حاضر ایش‌سیزلیک باعث اقتصادی قیینچیلیک بیلن روپه‌ره بولگن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «اقتصادی قیینچیلیک باعث ایران و تورکیه باریش گه مجبور بولدیک، یول گه کوپ عذاب چیکدیک عسکرلر بیزنی کتلکه‌دیلر و بیش آی سعی‌وحرکت دن کیین تورکیه چیگره‌سیگه اوتدیک، آلتی آی تورکیه ده ایدیک، پولیس تامانیدن قولگه آلینیب و دیپورت بولدیک.»
سونگی کون‌لرده تورکیه دن چیقریلیب و حاضر ایران ده حیات کیچیریب کیله‌یاتگن مهاجرلردن باشقه بیری حارث نینگ ایتیشیچه، کوپ قیینچیلیک، آچ‌لیک و سوو‌سیزلیک بیلن تورکیه گه ییتیب بارگندی لیکن حاضر چیقریلگن.
اونگه کوره: «قریب ۱۵ کون کمپ ده ایدیک، کمپ ایچیده کوپ قیینچیلیک بیلن روپه‌ره ایدیک، یخشی نان بیرمه‌ی یامان یانده‌شر ایدیلر.»
حاضر تورکیه ده حیات کیچیریب کیله‌یاتگن افغانستان‌لیک مهاجرلردن باشقه بیرقطاری نینگ ایتیشلریچه، سونگی کون‌لرده شهرلرده آزاد یوره آلمه‌یدیلر.
تورکیه گه ناقانونی بارگن مهاجرلردن باشقه بیری راشد گه کوره، پولیس تامانیدن قولگه آلینمسلیگی اوچون ایش محلی دن چیقه آلمه‌یدی. او نینگ کوپه‌یتیریشیچه: «هیچ امکانیت دن فایده‌لنه آلمه‌یمیز و یالغیز ایشله‌شیمیز کیره‌ک، حتا سیمکارت ساتیب آلیش حقی‌میز یوق، کسلخانه یا باشقه جای گه قاچاق باریشیمیز کیره‌ک، حاضر قیدگیرلیک نیچه برابر بولگن.»
شو بیلن بیرگه، قاچقینچیلر وزیرلیگی تورکیه دولتی دن، مهاجرت خلق‌ارا قانون_قاعده‌لر اساسیده افغانستان مهاجرلری بیلن یانده‌شیش‌لرینی سوره‌یدی.
بیزلرنینگ توییترده هم تعقیب قیلینگ!
قاچقینچیلر وزیرلیگی نینگ سوزلاوچیسی عبدالمطلب حقانی گه کوره: «چیت ایل گه ناقانونی روشده بارگن افغانستان‌لیک قاچقینچیلر دن، قانونی شکلده باریش اوچون سعی‌وحرکت قیلیش‌لرینی ایسته‌یمیز؛ تورکیه دولتی دن مهاجرلر بیلن خلق‌ارا قانون_قاعده‌لر اساسیده رفتار قیلیشینی سوره‌یمیز.»
تورکیه ده ناقانونی تیریکچیلیک قیلیب کیله‌یاتگن افغانستان یشاوچیلری دن بیرقطاری، عایله اعضالری نینگ خرجتینی تأمینلش مقصدیده اوشبو مملکت گه بارگن و چیقریلگونچه موجود قیینچیلیکلرنی تحمل قیلیش دن باشقه چاره‌لری یوق دیر.