قویاش نورلری شهر یوزیگه ترقهلگن پیتده، قندوز شهرینینگ هر بیر بورچهگیده، یول بویلریده گیلم پرچهسی، تخته یا که بیر چوکی اوستیده اوتکیرگن ایرککلرنی کوریش ممکن-اولرنینگ یگانه ایشی باشقهلرنینگ بوتلرینی تیکیب و بویشدیر.
اولرنینگ محنت آوازی شهر شاوقینیده یوقالیب کېتهدی، بیراق سعی-حرکتلری همان دوام اېتماقده. اولر یشاوچیلرنینگ اېسکیرگن بوتلرینی بویب یا که تیکیش بیلن، اویلری گه بیر نیچه لقمه نان آلیب بارهدیلر.
بو سیمالر آرهسیده، قریلیک یاشیگه کېریب قالگن آدملر هم کوزگه کوریلهدی؛ او ۳۰ ییلدن کوپراقدن بیری قندوز شهرینینگ بیر بورچهگیده موچیگرلیک قیلیب کېلماقده. اېندی ۵۰ یاش گه کېرگن بو کیشی اوشبو هنرنی آتهسیدن اورگنگن و آتهسیدن قالگن اېسکی اسباب-اوسکونه بیلن ایشلش گه دوام بیرماقدهلیگینی اېتهدی.
قربان گه کوره، موچیگرلیک درآمدی بیلن حیاتینی اوتکزماقده و حتا انده-سنده پسانداز قیله آلهدی.
بیزلرنینگ فیسبوک صحیفهمیزگه باش اورینگ!
او، درآمدیگه اشاره قیلیب ایتیشیچه: «بعضی کونلری ۲۰۰ هم ۱۵۰ هم ایشلهی من و ۳۰۰ هم ایشلب تاپه من. شوندهی کونلر هم بولهدی که بوتونلی ایشسیز قالهمن. بعضی تاپگنیم یېتمهیدی، بعضیده بودجه ضعیف بولسه کمراق مصرفلهی من، قندهی دیر قیلیب کوننی اوتکزهمیز.»
قندوزده قدیمی موچیگرلردن باشقه بیری خواجه احمد، بالهلیگیدن بو ایشنی باشلهگن ایتیشیچه، موچیگرلیکنی آتهسیدن اورگنگن و ۲۵ ییلدن کوپراقدن بیری بو ایش بیلن مصروف دیر.
خواجه احمد تجربهسیدن قووانچ بیلن یادلب، شو عادی ایش، عایله اعضالرینینگ احتیاجلرینی تأمینلش اوچون اصلی درآمد منبعسی بولگنینی اېتهدی.
او، هر کونی ایرتهلبدن آخشم گه قدر، بازارنینگ بیر چیکهسیده اولتیریب و موچیگرلیک قیلهدی.
خواجه احمد اۉز صحبتلری یانیده، یخشی امکانیتدن فایدهلنه آلمسلیگی حقیده بوندهی دیېدی: «قولیلیک یوق، اقتصادیمیز ضعیف، اگر سرمایهمیز بولسه شهردن اسباب-اوسکونه، قالب و چرم ساتیب آلهمیز، بیر موچیگرلیک دکان آچهمن، لېکن یوق اقتصاد ضعیف دیر.»
بیزلرنینگ «ایکس» ترماغی ده هم تعقیب قیلینگ!
قندوز شهرینینگ ایریم اهالیسی، کوپ حاللرده ینگی بوت ساتیب آلیش اورنیده بوتلرینی تعمیرلشنی اوستون کورهدیلر. اولرنینگ ایشانچی گه کوره، موچیگرلیک نهفقط سنتی بیر هنر بلکه عایله اعضالرینینگ آرتیقچه خرهجتلرینی کمهیتیریش گه هم یاردم بیرهدی.
بعضیلر اېسه، موچیگرلر ایشی قدرلی دیب و اولرنی کوپراق قۉللب-قوتلش لازم دیېدیلر. اولر گه کوره، بو آدملر ایشلری قیینچیلیگیگه قرهمسدن، باشقهلرنینگ کوندهلیک حیاتیده مهم رول اوینهماقده.
شونگه قرهمی، قندوز یشاوچیلریدن بیرقطاری، بوتنی تعمیرلش، بویش و تیکیش نرخی نسبتن عدالتلی و کوپ حاللرده آدملرنینگ اقتصادی وضعیتی گه تېنگ بولیشینی اېتهدیلر.
قندوز یشاوچیسی سهراب گه کوره: «البته یخشی بولردی اگر ینگی بیر بوت ساتیب آلالگنیمیزده، لېکن اقتصاد ضعیف، حاضر افغانستاننینگ اقتصادی جوده هم آغیرلشگن، شونینگ اوچون یخشی بیر جفت بوت کېیب یوریب و ییرتیلسه دراو باریب ینگیسینی آلیشینگ علاجی یوق، مجبورمیز شو اېسکی بوتنی موچیگرگه بیرسهی تیکیب بیرسه.»
قندوزده موچیگرلیک، کوپلب ناچار عایلهلر اوچون کتّه کمک حسابلنهدی؛ چونکه بو اولر اوچون هر سفر ینگی بوت خرید قیلیش خرهجتیدن قوتیلیش امکانینی بیرهدی.
اهالینینگ اقتصادی احوالی یامانلشیب، ینگی بوت ساتیب آلیش امکانیتی کمهیگن بیر پیتده، موچیگرلیک رولی-خلقنینگ احتیاجی بیلن مالیهوی امکانیتی اورتهسیده موازنتنی سقلشده ېنهده مهم بولیب بارماقده. بو سنتی کسب، بعضی محنتکشلر اوچون تیریکچیلیک منبع هم حسابلنهدی.
شونگه قرهمی، قندوزدهگی موچیگرلر هنوزگچه امکانیتلرنینگ یېتیشمسلیگی، ماس باشپنه یوقلیگی و پست درآمد کبی معمالر بیلن کورهشماقده. برچه قیینچیلیکلر گه قرهمی بو ایرککلرنینگ قلبیده امید تیریک اولر کېلهجکّه ایجابی نگاه بیلن قرهب، آلدینگه اېنتیلماقده.
