یشاوچیلر اینیقسه ییگیت‌لر آره‌سیده گازلی و الکول‌سیز ایچیملیکلر قوللنیلیشی، اولر نینگ مذکور ایچیملیکلر گه معتاد بولیشلریگه سبب بولگن. کابل شهری‌ده ییگیت‌لردن قطاری نینگ ایتیشلریچه، سووسه‌ماق، چرچه‌ماق و کونده‌لیک شکلده گازلی و الکول‌سیز ایچیملیکلردن قوللنیش طفیلی، اوشبو ایچیملیکلر گه عادت قیلگنلر.
کابل شهری چهارقلعه‌ی وزیرآباد منطقه یشاوچیسی بولمیش ۲۵ یاشر صمیم نینگ ایتیشیچه، کوکلم موسومیده هر کونی اوچ ته گازلی ایچیملیک‌دن قوللنه‌دی. «چونکه کوکلم موسومیده هوا ایسیق بولیشی سبب، کونده ایکی یا-ده اوچ ته گازلی ایچیملیک ساتیب آله‌من. چونکه سووسه‌ماق نی کیتکیزه‌دی و چرچه‌گنیم پیتده هم گازلی ایچیملیک‌دن قوللنهمن. عادت قیلمه‌سلیک اوچون کوپ تلاش قیلدیم، بیراق حاضر ایسه عادت قیلگن‌مین و قوللنهمن.»
شونینگدیک کابل شهری حاجی یعقوب چهارراهه‌سی یشاوچیسی بولمیش شمس‌الدین، بیر هفته‌ده اوچ یا-ده کوپراق گازلی ایچیملیک‌دن قوللنیشی نی بیان قیلیب ایتیشیچه: «کوپراق الکوزی ایچیملیگی‌دن قوللنهمن. حاضر بیر عادت گه اوزگرگن و دکان گه بارگنیم پیتده، ساتیب آلمه‌سم بولمه‌یدی.»
بیزلرنینگ «ایکس» ترماغی ده هم تعقیب قیلینگ!
شونینگدیک یشاوچیلر آرقه‌لی گازلی و الکول‌سیز ایچیملیکلر نینگ قوللنیشی کوپه‌یگنی، مذکور ایچیملیک ساتووچیلری نینگ ایشلری نی هم کوپه‌یتیرگن. پایتخت‌ده دکان‌دارلردن قطاری نینگ ایتیشلریچه، درآمد‌لریدن ۷۰ فایز‌دن آرتیغی نی گازلی ایچیملیکلر نینگ ساتیلیشیدن قولگه کیلتیره‌دیلر.
عین حالده، کابل شهری شهرنو منطقه‌سیده‌گی دکان‌دارلردن رفیع‌الله نینگ ایتیشیچه: «ایچیملیکلر ساتیلیشی کوپه‌یگن. کیچیک، کیکسه، یاش و برچه اهالی گازلی و الکول‌سیز ایچیملیکلردن قوللنه‌دی که کوپراق گازلی ایچیملیکلردن قوللنه‌دیلر. انه شوو سبب، کونده ۷۵ فایز ایچیملیک ساته‌میز.»
شونینگدیک شهرنو منطقه‌سیده‌گی دکان‌دارلردن باشقه بیری قدیر نینگ ایتیشیچه: «سوو استثنا، ۷۵ فایز ساتیشلریمیز نینگ ایچیملیکلر تشکیل بیره‌دی. ایچیملیک آله‌دیگن دایمی مشتری‌لریمیز هم بار.»
شونده‌ی بیرحالده، شفاکارلر یشاوچیلر آره‌سیده تورلی‌‌خیل گازلی و الکول‌سیز ایچیملیکلر قوللنیشی عادی بولگنی‌دن خواطر بیلدیریب ایتیشلریچه، بو کبی ایچیملیکلردن قوللنیش، ۳۵ تور کسللیک جمله‌دن سرطان گه سبب بوله‌دی.
کابل نینگ میوند کسل‌خانه‌سیده‌گی شفاکارلردن احمد‌جاوید ادیب شالی‌زی نینگ ایتیشیچه، گازلی و الکول‌سیز ایچیملیکلر مصنوعی شیرین‌لیک‌لر، کوپینچه شکر، کافئین و اسد فاسفوریگی بولیشی سبب، افسرده‌لیک، یوره‌ک، اوپکه و معده کسللیکلری گه چلینیش احتمالی نی کوپه‌یتیره‌دی. «بو کسل‌لیک‌لر یانیده قرین یاغی کوپه‌یشی، بویره‌ک قیین‌چیلیگی، قری‌لیک سرعتی تیزلنیشی، کوریش درجه‌سی کمه‌یشی، آز اویقولیک، انسان نینگ تنی سووی کمه‌یشی، جگر، ساچ، سرطان، مثانه، بویوک روده سرطانی کسللیکلری و مغز تومری گه سبب بوله‌دی.»
شونینگدیک کابل شهری‌ده‌گی شفاکارلردن باشقه بیری رحیم‌گل درویش نینگ ایتیشیچه، گازلی ایچیملیکلردن قوللنیش، سویک‌لردن استخوان نینگ آزاد بولیشی، سویک نیگ ضعیف بولیشی گه سبب بوله‌دی. «گازلی و شیرینی کوپ بولگن ایچیملیکلر نی بیر کیشی قوللنگنی پیتده، کوچلی بولگنی نی توشینه‌دی. حقیقت‌ده بو کبی ایمس. چونکه کلسیم سویک‌ده آزاد بولگنی صورت‌ده، مذکور کیشی سویکی‌ده‌گی کلسیم نی قوللنه‌دی و انرژی‌‌دن آلگنی نی توشینه‌دی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، آزیق-آوقت و دارو اداره‌سی سوزلاوچیسی جاوید هژیر نینگ ایتیشیچه، اوشبو اداره مملکت ایچیده یا-ده تشقی‌ده ایشلب چیقریله‌دیگن الکول‌سیز ایچیملیکلر نینگ فایده‌سی و کیفیتی‌دن مطمین بولیش اوچون، برچه خلق‌ارا ستندرد‌لردن قوللنه‌دی.
اونینگ کوپه‌یتیریشیچه: «تشقی‌دن کیلتیریله‌دیگن ایچیملیکلر کیفیتی نینگ تضمینی بولیمیده برچه خلق‌ارا ستندرد‌لردن قوللنه‌میز. مملکت ایچیده ایشلب چیقریله‌دیگن ایچیملیکلردن هم نمونه آلینیب و لابراتوار گه یوباریله‌دی، ایجابی نتیجه‌سی بولگنی پیتده، آزیق-آوقت مصونیتی بولیمی‌دن تصدیق‌نامه صادر قیله‌میز.»
عین حالده، آزیق-آوقات و دارو اداره‌سی نینگ ایتیشیچه، جاری ییل‌ده مملکت گه قاچاق شکلده وارد بولگن ۵۴۰دن آرتیق کارتن کارابو انرژی نی، ضبط قیلگنلر.
