مملکت تشقی ایشلر وزیرلیگی نینگ سوزلاوچیسی ضیااحمد تکل اوز توییتری ده، اوشبو وزیرلیک نینگ سیاسی ایشلری بوییچه معینی شیرمحمد عباس استانکزی افغانستان اوچون اوزبیکستان نینگ مخصوص نماینده‌سی عصمت‌الله ایرگش‌اوف بیلن، بوگون (شنبه، ۲۶ قوس)، اوشبو مملکت نینگ وارداتی برقی قیینچیلیگی خصوصیده تیلیفون آرقه‌لی سوزلشگنیدن خبر بیرگن.
تشقی ایشلر وزیرلیگی سوزلاوچیسی نینگ اورین باسری، استانکزی دن نقل قیلیب یازیشیچه، برق تنقیصلیگی پایتخت کابل شامل قطار ولایت‌لرده ایریم قیینچیلیکلر گه سبب بولگن. استانکزی اوزبیکستان تامانیدن ایکی مملکت ارا امضالنگن بیتیم اساسیده برق ییتکیزیب بیریشینی سوره‌گن.
بیزلرنینگ فیسبوک صحیفه‌میزگه باش اورینگ!
تشقی ایشلر وزیرلیگی اورین باسری گه کوره، اوشبو تیلیفونی علاقه ده افغانستان اوچون اوزبیکستان نینگ مخصوص نماینده‌سی موجود قیینچیلیکلرنی قبول قیلیب و بوتوغریده اوزبیکستان برق وزیرلیگی بیلن صحبت قیلگنینی اورغوله‌گن.
افغانستان اوچون اوزبیکستان نینگ مخصوص نماینده‌سی گه کوره، مذکور مملکت نینگ برق مسئوللری افغانستان گه صادراتی برق کمه‌یش سببینی قیش ییتیب کیلیشی بیلن اوزبیکستان ده برق ایشلب چیقریلیشی کمه‌یشی و شونینگدیک تخنیکی قیینچیلیک عنوان قیلگنلر.
جناب ایرگش‌اوف نینگ تأکیدلشیچه، افغانستان گه اوزبیکستان نینگ صادراتی برقی نسبتن کوپه‌یتیریلگن و کوپه‌یتیریلیشی مقصدیده سعی و حرکت قیلینماقده.
بیزلرنینگ توییترده هم تعقیب قیلینگ!
ایتیش کیره‌ک که، افغانستان قوشنی مملکت‌لر نینگ وارداتی برقی گه ته‌ینگن. سونگی کونلرده افغانستان گه اوزبیکستان نینگ وارداتی برقی تخنیکی قیینچیلیک باعث کیسیلگن و حاضر کابل و باشقه ۱۱ ولایت برق تنقیصلیگی بیلن روپه‌ره دیر.
